சீனி அடங்கிய திரவ உணவுகளின் பொதிகளில் வர்ணக் குறியீடுகளை காட்சிப்படுத்துவதில் புதிய நடைமுறைகள்

திரவ உணவுப் பொருட்கள் அடங்கிய பொதிகளில் உள்ளடக்கப்படும் சீனியின் அளவுக்கான வர்ண குறியீட்டு இலச்சினைகள் தொடர்பான விதிமுறைகளில் திருத்தம் மேற்கொள்ளப்பட்டுள்ளது.

புதிய திருத்தங்களின் படி, சீனி அடங்கிய திரவ உணவுகளின் பக்கற்றுகளின் மீது காட்சிப்படுத்தப்பட வேண்டிய சிவப்பு, மஞ்சள் மற்றும் பச்சை வர்ண குறியீட்டு இலச்சினைகளின் வடிவமைப்பு மற்றும் காட்சிப்படுத்தும் முறை குறித்த புதிய விதிகள் அறிமுகப்படுத்தப்பட்டுள்ளன.

அத்துடன், கண்ணாடிப் போத்தல்களில் இடவசதி குறைவாக உள்ள சந்தர்ப்பங்களில் பயன்படுத்தக்கூடிய மாற்று இலச்சினை ஒன்றும் அறிமுகப்படுத்தப்பட்டுள்ளது.

அத்தகைய தயாரிப்புகள் நேரடியாக நுகர்வோருக்கு விற்பனை செய்யப்படாமல், மேலதிக பதப்படுத்துதல், தயாரித்தல் அல்லது மறுவிற்பனைக்காக மாத்திரம் பயன்படுத்தப்படும் உணவுகள் என வரையறுக்கப்பட்டுள்ளன.

அதன்படி, 100 மில்லிலீற்றருக்கு 8 கிராமுக்கு அதிக சீனியின் அளவை கொண்ட பானங்களுக்கு சிவப்பு வர்ணமும், 2.5 கிராம் முதல் 8 கிராம் வரையான பானங்களுக்கு மஞ்சள் வர்ணமும், 2.5 கிராமுக்கு குறைவான சீனியின் அளவை கொண்ட பானங்களுக்கு பச்சை வர்ணமும் பயன்படுத்தப்பட வேண்டும் என குறிப்பிடப்பட்டுள்ளது.