Share Post
தென் கொரியாவுடனான கூட்டு இராணுவப் பயிற்சிகளை கணிசமாகக் குறைக்க அமெரிக்கா திட்டமிட்டுள்ளதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.
வட கொரிய ஜனாதிபதி கிம் ஜாங் உன்னுடன் தனக்கு மிகச் சிறந்த உறவு இருப்பதாகக் குறிப்பிட்டுள்ள ட்ரம்ப், அமெரிக்கா மற்றும் தென் கொரியா நடத்தும் இராணுவப் பயிற்சிகள் அதிக செலவுடையவை என்றும், அவை பொருத்தமற்ற மற்றும் விரோதமான சமிக்ஞையை அனுப்புவதாகவும் தெரிவித்துள்ளார்.
இந்தப் பயிற்சிகளுக்கான செலவுகளில் பெரும்பகுதியை வழக்கம் போல் அமெரிக்காவே ஏற்றுக்கொள்வதாகவும் ட்ரம்ப் தனது சமூக வலைத்தளப் பதிவில் குறிப்பிட்டுள்ளார்.
இதற்கிடையில், அமெரிக்கா மற்றும் தென் கொரியாவின் வருடாந்த கூட்டு இராணுவப் பயிற்சியான “Ulchi Freedom Shield" திட்டமிட்டபடி நடைபெறும் என தென் கொரியா தெரிவித்துள்ளது.
11 நாட்கள் நடைபெறவுள்ள இந்தப் பயிற்சியில் சுமார் 18,000 தென் கொரிய இராணுவத்தினர் பங்கேற்க உள்ளதாக தெரிவிக்கப்பட்டுள்ளது.
இந்தநிலையில், குறித்த பயிற்சிகளை இரத்து செய்வதற்கு மிகவும் தாமதமாகிவிட்டதாக ட்ரம்ப் குறிப்பிட்டுள்ளார்.
அத்துடன்,ஈரானின் அணுசக்தித் திட்டத்தை முடிவுக்குக் கொண்டுவரும் அமெரிக்காவின் முயற்சியில் தென் கொரியா இணைவதற்கு மறுத்துள்ளதாகவும் ட்ரம்ப் தனது பதிவில் தெரிவித்துள்ளார்.
இதனிடையே, அமெரிக்கா மற்றும் தென் கொரியாவின் கூட்டு இராணுவப் பயிற்சிகள் ஆக்கிரமிப்புப் போருக்கான ஒத்திகை என வட கொரிய வெளியுறவு அமைச்சகம் கடந்த வெள்ளிக்கிழமை கண்டனம் தெரிவித்திருந்தது.
வட கொரியா அண்மையில் ஐக்கிய நாடுகள் சபையால் தடை செய்யப்பட்ட பெலிஸ்டிக் ஏவுகணைச் சோதனைகளையும் மேற்கொண்டுள்ளது.
சுமார் 28,500 அமெரிக்க இராணுவத்தினர் தற்போது தென் கொரியாவில் நிலைகொண்டுள்ளனர்.
2019ஆம் ஆண்டு ட்ரம்ப் மற்றும் கிம் ஜாங் உன் இடையிலான உயர்மட்ட இராஜதந்திர பேச்சுவார்த்தைகள் தோல்வியடைந்த பின்னர், வட கொரியா தனது அணு மற்றும் ஏவுகணைத் திட்டங்களை விரிவுபடுத்துவதில் தொடர்ந்து கவனம் செலுத்தி வருகிறது.
அதேநேரம்,தென் கொரியாவுடனான இராணுவப் பயிற்சிகள் தொடர்பாக ட்ரம்ப் வெளியிட்டுள்ள கருத்து, அமெரிக்கா–தென் கொரியா உறவில் புதிய சர்ச்சையை ஏற்படுத்தியுள்ளது.
Latest News
விசா விண்ணப்பங்கள் குறித்து அமெரிக்கத் தூதரகம் எச்சரிக்கை!
Local
20 August 2026
பழம்பெரும் நடிகை சௌகார் ஜானகி தீவிர சிகிச்சைப் பிரிவில் அனுமதி!
Local
20 August 2026
இலங்கை சுங்கத்தின் பாரிய மோசடி - நண்பரை பாதுகாக்கிறாரா ஜனாதிபதி?
Local
20 August 2026
பாகிஸ்தானில் இலங்கை மற்றும் இங்கிலாந்து அணிகள் பங்கேற்கும் முத்தரப்பு தொடர்!
Local
20 August 2026
உள்துறை அமைச்சர் அமித்ஷாவைச் சந்தித்தார் முதலமைச்சர் விஜய்!
Local
20 August 2026
வங்கித்துறை கடன் வழங்கல்: மத்திய வங்கியின் புதிய ஆய்வறிக்கை!
Local
20 August 2026
அயோத்தி ராமர் கோவில் பிரசாதம் எனக்கூறி போலி இனிப்பு விற்பனை: அமேசன் நிறுவனத்துக்கு அபராதம்!
Local
20 August 2026
கல்முனை வடக்கு ஆதார மருத்துவமனை ஆடைப் பிரச்சினை: அரசாங்கத்தின் நிலைப்பாட்டை அறிவித்த அமைச்சர்!
Local
20 August 2026
மீண்டும் இலங்கையில் வங்குரோத்தா? ரணில்- கம்மன்பில கூற்றுக்கு பதில் வழங்கியுள்ள அனில் ஜயந்த
Local
20 August 2026
22க்கு எதிராக உயர் நீதிமன்றத்தில் 37 மனுக்கள் தாக்கல்!
Local
20 August 2026
