2 ஆம் நாள் முடிவு: இலங்கை அணி தடுமாற்றம்; இந்தியா வலுவான நிலையில்!

கொழும்பு SSC மைதானத்தில் நடைபெற்று வரும் இலங்கை மற்றும் இந்திய அணிகளுக்கு இடையிலான 2வது டெஸ்ட் போட்டியின் 2வது நாள் ஆட்டம் நிறைவுக்கு வந்துள்ளது.

முன்னதாக, இந்திய அணி தமது முதல் இன்னிங்ஸில் 9 விக்கெட்டுகளை இழந்து 503 ஓட்டங்களைப் பெற்றிருந்த வேளையில் இன்னிங்ஸை இடைநிறுத்தியது.

இதனையடுத்து, தனது முதல் இன்னிங்ஸை ஆரம்பித்த இலங்கை அணி இன்றைய ஆட்டநேர முடிவில் 2 விக்கெட்டுகளை இழந்து 8 ஓட்டங்களை பெற்றிருந்தது.

இன்றைய ஆட்டநேர முடிவில் துடுப்பாட்டத்தில் கமில் மிஷார 5 ஓட்டங்களுடன் ஆட்டமிழக்காமல் களத்தில் இருந்தார்.

பந்துவீச்சில் பிரசித் கிருஷ்ணா ஒரு ஓட்டத்துக்கு ஒரு விக்கெட்டையும், மானவ் சுதர் 6 ஓட்டங்களுக்கு ஒரு விக்கெட்டையும் வீழ்த்தியுள்ளனர்.

இந்தநிலையில், இந்திய அணியை விட 495 ஓட்டங்கள் இலங்கை அணி பின்தங்கியுள்ளது.