கொழும்பு நுகர்வோர் விலைச் சுட்டெண் அடிப்படையிலான பணவீக்கம் அதிகரிப்பு!

கொழும்பு நுகர்வோர் விலைச் சுட்டெண் அடிப்படையிலான முதன்மை பணவீக்கம் ஆகஸ்ட் மாதத்தில் 8 சதவீதமாக உயர்ந்துள்ளதாக தொகை மதிப்பு மற்றும் புள்ளிவிபர திணைக்களம் தெரிவித்துள்ளது.

இது கடந்த ஜூலை மாதத்தில் 7.3 சதவீதமாக இருந்த நிலையில், தற்போது, 0.7 சதவீதத்தினால் அதிகரித்துள்ளது.

குறிப்பாக, ஜூலை மாதத்தில் 6.3 சதவீதமாகப் பதிவாகியிருந்த உணவுப் பணவீக்கமானது, ஆகஸ்ட் மாதத்தில் 8.5 சதவீதமாகச் குறிப்பிடத்தக்க அளவில் அதிகரித்துள்ளதாகத் தெரிவிக்கப்பட்டுள்ளது.

எனினும், உணவு அல்லாத பிரிவின் பணவீக்கமானது ஜூலை மாதத்தில் 7.8 சதவீதமாக இருந்த நிலையில், ஆகஸ்ட் மாதத்தில் 7.7 சதவீதமாகச் சிறிய அளவில் குறைந்துள்ளதாக தொகை மதிப்பு மற்றும் புள்ளிவிபர திணைக்களம் தெரிவித்துள்ளது.