ஒக்டோபர், நவம்பர் மாதங்களில் பாகிஸ்தானுக்கு சுற்றுப்பயணம் மேற்கொள்ளும் இலங்கை அணி!

இலங்கை தேசிய கிரிக்கெட் அணி எதிர்வரும் ஒக்டோபர் மற்றும் நவம்பர் மாதங்களில் பாகிஸ்தானுக்கு சுற்றுப்பயணம் மேற்கொள்ளவுள்ளதாக ஸ்ரீலங்கா கிரிக்கெட் அதிகாரப்பூர்வமாக அறிவித்துள்ளது.

இந்தச் சுற்றுப்பயணத்தில் 3 இருபதுக்கு 20 போட்டிகள், இலங்கை – பாகிஸ்தான் – இங்கிலாந்து அணிகள் பங்கேற்கும் முத்தரப்பு ஒருநாள் தொடர் மற்றும் 2 டெஸ்ட் போட்டிகள் இடம்பெறவுள்ளன.

சுற்றுப்பயணத்தின் ஆரம்பமாக, இலங்கை மற்றும் பாகிஸ்தான் அணிகளுக்கு இடையிலான 3 இருபதுக்கு 20 போட்டிகளும் ராவல்பிண்டியில் நடைபெறவுள்ளன.

இதனைத் தொடர்ந்து, இலங்கை, பாகிஸ்தான் மற்றும் இங்கிலாந்து அணிகள் பங்கேற்கும் முத்தரப்பு ஒருநாள் தொடர் ராவல்பிண்டி மற்றும் லாகூர் நகரங்களில் நடைபெறவுள்ளது.

டெஸ்ட் தொடருக்கு முன்னதாக, இலங்கை அணி இஸ்லாமாபாத்தில் மூன்று நாள் பயிற்சிப் போட்டியொன்றிலும் பங்கேற்கவுள்ளது.

அதற்கமைய, குறித்த போட்டிகளுக்கான அட்டவணையும் வெளியிடப்பட்டுள்ளது.

இருபதுக்கு 20 தொடர்

ஒக்டோபர் 09 – 1ஆவது இருபதுக்கு 20 போட்டி – ராவல்பிண்டி
ஒக்டோபர் 11 – 2ஆவது இருபதுக்கு 20 போட்டி – ராவல்பிண்டி
ஒக்டோபர் 13 – 3ஆவது இருபதுக்கு 20 போட்டி – ராவல்பிண்டி

முத்தரப்பு ஒருநாள் தொடர்

ஒக்டோபர் 18 – இலங்கை vs பாகிஸ்தான் – ராவல்பிண்டி
ஒக்டோபர் 22 – இலங்கை vs இங்கிலாந்து – ராவல்பிண்டி
ஒக்டோபர் 27 – இலங்கை vs பாகிஸ்தான் – லாகூர்
ஒக்டோபர் 29 – இலங்கை vs இங்கிலாந்து – லாகூர்
ஒக்டோபர் 31 – இறுதிப் போட்டி – லாகூர்

நவம்பர் 09–13 – 1ஆவது டெஸ்ட் – ராவல்பிண்டி
நவம்பர் 17–21 – 2ஆவது டெஸ்ட் – லாகூர்