22வது திருத்தம்: உயர்நீதிமன்றத்தின் தீர்மானம் கிடைத்துள்ளதாக சபாநாயகர் அலுவலகம் அறிவிப்பு!

அரசியலமைப்பின் முன்மொழியப்பட்ட 22ஆவது திருத்தச் சட்டமூலம் தொடர்பில் உயர்நீதிமன்றம் வழங்கிய வியாக்கியானம் நாடாளுமன்ற சபாநாயகர் ஜகத் விக்ரமரத்னவிடம் ஒப்படைக்கப்பட்டுள்ளது.

சபாநாயகர் அலுவலகம் இதனை உறுதிப்படுத்தியுள்ளது.

குறித்த சட்டமூலத்தை சவாலுக்கு உட்படுத்தி தாக்கல் செய்யப்பட்ட மனுக்களை பரிசீலித்த உயர்நீதிமன்றம், தனது வியாக்கியானத்தை இரகசிய உறையில் சபாநாயகருக்கு அனுப்பியுள்ளது.

இந்த உயர்நீதிமன்றத் தீர்மானத்தை சபாநாயகர் ஜகத் விக்ரமரத்ன நாளை (22) நாடாளுமன்றத்தில் அதிகாரப்பூர்வமாக அறிவிப்பார் என எதிர்பார்க்கப்படுகிறது.

இதனிடையே, குறித்த உத்தேச அரசியலமைப்பு திருத்தம் தொடர்பில் எதிர்வரும் 24 ஆம் மற்றும் 25ஆம் திகதிகளில் நாடாளுமன்ற விவாதங்களை நடத்துவதற்கு தீர்மானிக்கப்பட்டுள்ளமை குறிப்பிடத்தக்கது.