சவூதி அரேபியாவில் மரண தண்டனை விதிக்கப்பட்ட சிவராச அனோஜன் விவகாரம்: சவூதி அரேபிய தூதரகத்திற்குச் செல்லவுள்ள உறவினர்கள்

%E0%AE%9A%E0%AE%B5%E0%AF%82%E0%AE%A4%E0%AE%BF+%E0%AE%85%E0%AE%B0%E0%AF%87%E0%AE%AA%E0%AE%BF%E0%AE%AF%E0%AE%BE%E0%AE%B5%E0%AE%BF%E0%AE%B2%E0%AF%8D+%E0%AE%AE%E0%AE%B0%E0%AE%A3+%E0%AE%A4%E0%AE%A3%E0%AF%8D%E0%AE%9F%E0%AE%A9%E0%AF%88+%E0%AE%B5%E0%AE%BF%E0%AE%A4%E0%AE%BF%E0%AE%95%E0%AF%8D%E0%AE%95%E0%AE%AA%E0%AF%8D%E0%AE%AA%E0%AE%9F%E0%AF%8D%E0%AE%9F+%E0%AE%9A%E0%AE%BF%E0%AE%B5%E0%AE%B0%E0%AE%BE%E0%AE%9A+%E0%AE%85%E0%AE%A9%E0%AF%8B%E0%AE%9C%E0%AE%A9%E0%AF%8D+%E0%AE%B5%E0%AE%BF%E0%AE%B5%E0%AE%95%E0%AE%BE%E0%AE%B0%E0%AE%AE%E0%AF%8D%3A+%E0%AE%9A%E0%AE%B5%E0%AF%82%E0%AE%A4%E0%AE%BF+%E0%AE%85%E0%AE%B0%E0%AF%87%E0%AE%AA%E0%AE%BF%E0%AE%AF+%E0%AE%A4%E0%AF%82%E0%AE%A4%E0%AE%B0%E0%AE%95%E0%AE%A4%E0%AF%8D%E0%AE%A4%E0%AE%BF%E0%AE%B1%E0%AF%8D%E0%AE%95%E0%AF%81%E0%AE%9A%E0%AF%8D+%E0%AE%9A%E0%AF%86%E0%AE%B2%E0%AF%8D%E0%AE%B2%E0%AE%B5%E0%AF%81%E0%AE%B3%E0%AF%8D%E0%AE%B3+%E0%AE%89%E0%AE%B1%E0%AE%B5%E0%AE%BF%E0%AE%A9%E0%AE%B0%E0%AF%8D%E0%AE%95%E0%AE%B3%E0%AF%8D

சவூதி அரேபியாவில் மரண தண்டனை விதிக்கப்பட்டுள்ளதாகத் தெரிவிக்கப்படும் சிவராச அனோஜனின் உறவினர்கள், இது தொடர்பான விளக்கங்களை வழங்குவதற்காக இன்று (21) நாட்டில் உள்ள சவூதி அரேபிய தூதரகத்திற்குச் செல்லவுள்ளதாகத் தெரிவித்துள்ளனர்.

குறித்த இளைஞனின் விடுதலையை உறுதி செய்வதில் அரசாங்கம் உட்பட பல தரப்பினரின் கவனமும் தற்போது திரும்பியுள்ளது.

அனோஜன் நேற்று (20) தனது உறவினர்களுக்குத் தொலைபேசி அழைப்பை மேற்கொண்டதுடன், தன்னை விடுவிப்பதற்கு உடனடி நடவடிக்கைகளை எடுக்குமாறு அவர்களிடம் கோரிக்கை விடுத்துள்ளார்.

இதற்கிடையில், அனோஜனின் விடுதலையைக் கோரி கல்முனைப் பகுதியில் பொது மக்கள் மனுத் தாக்கல் இயக்கம் ஒன்று ஏற்பாடு செய்யப்பட்டதுடன், இந்தநிகழ்வில் அவரது தாயாரும் கலந்துகொண்டார்.

மேலும், அனோஜனின் விடுதலையைப் பெற்றுக்கொடுக்க அவசர நடவடிக்கைகளை எடுக்குமாறு கோரி மட்டக்களப்பில் இந்து அமைப்புகளின் கூட்டமைப்பு ஒன்றினால் ஆர்ப்பாட்டம் நடத்தப்பட்டது.

அனோஜனை விடுவிக்கக் கோரி ஹட்டன் - மல்லியப்பு சந்தியில் மௌனப் போராட்டம் ஒன்று முன்னெடுக்கப்பட்டதாக எமது ஹிரு செய்தியாளர் தெரிவித்தார்.