ஜேசன் சஞ்சயின் ‘சிக்மா’ படத்திற்கு அஜித் ஆதரவு? – வெளியான சுவாரஸ்ய தகவல் - Hiru News - Srilanka's Number One News Portal, Most visited website in Sri Lanka

%E0%AE%9C%E0%AF%87%E0%AE%9A%E0%AE%A9%E0%AF%8D+%E0%AE%9A%E0%AE%9E%E0%AF%8D%E0%AE%9A%E0%AE%AF%E0%AE%BF%E0%AE%A9%E0%AF%8D+%E2%80%98%E0%AE%9A%E0%AE%BF%E0%AE%95%E0%AF%8D%E0%AE%AE%E0%AE%BE%E2%80%99+%E0%AE%AA%E0%AE%9F%E0%AE%A4%E0%AF%8D%E0%AE%A4%E0%AE%BF%E0%AE%B1%E0%AF%8D%E0%AE%95%E0%AF%81+%E0%AE%85%E0%AE%9C%E0%AE%BF%E0%AE%A4%E0%AF%8D+%E0%AE%86%E0%AE%A4%E0%AE%B0%E0%AE%B5%E0%AF%81%3F+%E2%80%93+%E0%AE%B5%E0%AF%86%E0%AE%B3%E0%AE%BF%E0%AE%AF%E0%AE%BE%E0%AE%A9+%E0%AE%9A%E0%AF%81%E0%AE%B5%E0%AE%BE%E0%AE%B0%E0%AE%B8%E0%AF%8D%E0%AE%AF+%E0%AE%A4%E0%AE%95%E0%AE%B5%E0%AE%B2%E0%AF%8D

விஜய்யின் மகன் ஜேசன் சஞ்சய் இயக்குநராக அறிமுகமாகும் ‘சிக்மா’ (Sigma) திரைப்படத்திற்கு நடிகர் அஜித் குமார் ஆதரவு தெரிவித்ததாக பத்திரிகையாளர் வி.கே. சுந்தர் தெரிவித்துள்ளார்.

சமீபத்திய நேர்காணல் ஒன்றில் பேசிய அவர்,

‘சிக்மா’ படத்தின் பி.ஆர்.ஓ பணிக்காக ஜேசன் சஞ்சய், அஜித்தின் முகாமையாளர் சுரேஷ் சந்திராவை அணுகியதாகக் கூறினார். இதுகுறித்து சுரேஷ் சந்திரா அஜித்திடம் கேட்டபோது, “தாராளமாக வேலை செய்யுங்கள். இதில் என்ன இருக்கிறது?” என அஜித் கூறியதாகத் தெரிவித்துள்ளார்.

மேலும், சுரேஷ் சந்திரா மூலம் ஜேசன் சஞ்சயை தொலைபேசியில் தொடர்புகொண்ட அஜித், “சினிமாவில் உனக்கு என்ன உதவி வேண்டுமானாலும் தயங்காமல் கேள், நான் உன்னுடன் இருக்கிறேன்” எனக் கூறியதாகவும் தகவல் வெளியாகியுள்ளது.

“தன் நண்பரின் மகனை தனது மகனாகவே அஜித் பார்க்கிறார்” என சுரேஷ் சந்திரா தெரிவித்ததாகவும் கூறப்படுகிறது.

விஜய்–அஜித் ரசிகர்கள் மத்தியில் நீண்ட காலமாகப் போட்டி நிலவி வந்த நிலையில், விஜய்யின் மகன் ஜேசன் சஞ்சயின் திரையுலகப் பயணத்திற்கு அஜித் ஆதரவு அளித்ததாக வெளியாகியுள்ள இந்த தகவல் சமூக வலைத்தளங்களில் கவனம் பெற்றுள்ளது.