கால்பந்து உலகக் கிண்ண இறுதிப்போட்டி: ஸ்பெயின் அணியின் பயிற்சி அமர்வு இரத்து!

%E0%AE%95%E0%AE%BE%E0%AE%B2%E0%AF%8D%E0%AE%AA%E0%AE%A8%E0%AF%8D%E0%AE%A4%E0%AF%81+%E0%AE%89%E0%AE%B2%E0%AE%95%E0%AE%95%E0%AF%8D+%E0%AE%95%E0%AE%BF%E0%AE%A3%E0%AF%8D%E0%AE%A3+%E0%AE%87%E0%AE%B1%E0%AF%81%E0%AE%A4%E0%AE%BF%E0%AE%AA%E0%AF%8D%E0%AE%AA%E0%AF%8B%E0%AE%9F%E0%AF%8D%E0%AE%9F%E0%AE%BF%3A+%E0%AE%B8%E0%AF%8D%E0%AE%AA%E0%AF%86%E0%AE%AF%E0%AE%BF%E0%AE%A9%E0%AF%8D+%E0%AE%85%E0%AE%A3%E0%AE%BF%E0%AE%AF%E0%AE%BF%E0%AE%A9%E0%AF%8D+%E0%AE%AA%E0%AE%AF%E0%AE%BF%E0%AE%B1%E0%AF%8D%E0%AE%9A%E0%AE%BF+%E0%AE%85%E0%AE%AE%E0%AE%B0%E0%AF%8D%E0%AE%B5%E0%AF%81+%E0%AE%87%E0%AE%B0%E0%AE%A4%E0%AF%8D%E0%AE%A4%E0%AF%81%21

நியூ ஜெர்சியில் நிலவும் மோசமான காலநிலை காரணமாக, ஆர்ஜென்டினாவுக்கு எதிரான உலகக் கிண்ண இறுதிப்போட்டிக்கு முன்னதாக ஸ்பெயின் அணி மேற்கொள்ளவிருந்த இறுதிப் பயிற்சி அமர்வு இரத்து செய்யப்பட்டுள்ளது.

நியூ யோர்க் மற்றும் நியூ ஜெர்சி பகுதிகளில் பலத்த இடி, மின்னலுடன் கூடிய கடும் மழை பெய்து வருவதால், மெலனி லேன் பயிற்சி மைதானத்தில் நடக்கவிருந்த ஸ்பெயின் அணியின் பயிற்சி இடைநிறுத்தப்பட்டது.

அமெரிக்காவின் பாதுகாப்பு விதிமுறைப்படி, மைதானத்தைச் சுற்றி எட்டு மைல் சுற்றளவுக்குள் மின்னல் தாக்கம் கண்டறியப்பட்டால், வெளிப்புற விளையாட்டுகள் உடனடியாக நிறுத்தப்பட வேண்டும்.

இதன்படி, பயிற்சி இரத்து செய்யப்பட்டு, வீரர்கள் உள்ளக மைதானத்தில் உடற்பயிற்சியில் ஈடுபட்டனர்.

சுமார் ஐந்து மைல் தொலைவில் பயிற்சி மேற்கொண்ட ஆர்ஜென்டினா அணி, 45 நிமிடத் தாமதத்திற்குப் பிறகு பயிற்சியைத் தொடர்ந்தது.

ஸ்பெயின் அணிக்கு வேறொரு நேரத்தில் பயிற்சி பெற மாற்று நேரம் வழங்கப்படாது என அறிவிக்கப்பட்டுள்ளது.

ஏற்கனவே கனடா காட்டுத்தீ காரணமாக நிலவும் மோசமான காற்றின் தரத்தினால் மக்கள் பாதிக்கப்பட்டுள்ள நிலையில், தற்போது பெய்து வரும் கடும் மழையும் உலகக் கிண்ண இறுதிப்போட்டிக்கான ஏற்பாடுகளில் சவால்களை ஏற்படுத்தியுள்ளது.

இந்தநிலையில் நடப்பு செம்பியன் ஆர்ஜென்டினாவும், ஐரோப்பிய செம்பியன் ஸ்பெயினும் இறுதிப்போட்டியில் பலப்பரீட்சை நடத்தவுள்ளமை குறிப்பிடத்தக்கது.