இலங்கையின் தில்ஹானி மற்றும் ஷானிகா பதக்கங்களை வென்று சாதனை!

இந்தியாவில் நடைபெற்று வரும் World Athletics Silver Level Continental Tour 2026 மெய்வல்லுநர் போட்டிகளில் இலங்கை வீராங்கனைகள் வெள்ளி மற்றும் வெண்கலப் பதக்கங்களை வென்று நாட்டிற்குப் பெருமை சேர்த்துள்ளனர்.

அதன்படி, பெண்களுக்கான ஈட்டி எறிதல் போட்டியில் பங்கேற்ற தில்ஹானி லேக்கம்கே, ஈட்டியை 58.98 மீற்றர் தூரம் எறிந்து வெள்ளிப் பதக்கத்தை தமதாக்கினார்.

அதேவேளை, பெண்களுக்கான 1500 மீற்றர் ஓட்டப்பந்தயத்தில் பங்கேற்ற ஷானிகா கஹவலகே, போட்டியினை 4 நிமிடங்களும் 27.22 விநாடிகளிலும் நிறைவு செய்து வெண்கலப் பதக்கத்தைச் சுவீகரித்துள்ளார்.