මෙට්‍රික් ටොන් ලක්ෂය බැගින් රටින් ගේන හාල්

%E0%B6%B8%E0%B7%99%E0%B6%A7%E0%B7%8A%E2%80%8D%E0%B6%BB%E0%B7%92%E0%B6%9A%E0%B7%8A+%E0%B6%A7%E0%B7%9C%E0%B6%B1%E0%B7%8A+%E0%B6%BD%E0%B6%9A%E0%B7%8A%E0%B7%82%E0%B6%BA+%E0%B6%B6%E0%B7%90%E0%B6%9C%E0%B7%92%E0%B6%B1%E0%B7%8A+%E0%B6%BB%E0%B6%A7%E0%B7%92%E0%B6%B1%E0%B7%8A+%E0%B6%9C%E0%B7%9A%E0%B6%B1+%E0%B7%84%E0%B7%8F%E0%B6%BD%E0%B7%8A

ලබන වසරේ සිංහල දෙමළ අලුත් අවුරුදු සමය දක්වා සහල් මෙටි‍්‍රක් ටොන් ලක්ෂය බැගින් මාසිකව ආනයනය කිරීමට තීරණය වී තිබෙනවා.

ඒ අග්‍රාමාත්‍ය රනිල් වික්‍රමසිංහගේ ප්‍රධානත්වයෙන් පැවති ආර්ථික කළමණාකරණය පිළිබඳ කැබිනට් අනුකාරක සභාවේදීයි.

එමෙන්ම ලබන වසරේ අලුත් අවුරුද්ද දක්වා හිගයකින් තොරව සහල් වෙළඳපොළට නිකුත් කිරීම සඳහා ඔනෑම පෞද්ගලික වෙළඳ ආයතනයකට සහල් ආනයනයට අවස්ථාව ලබාදීමට ද රජය තීරණය කර තිබෙනවා.

ඒ අනුව ආනයනික සහල් මත පනවා තිබු කිලෝ එකකට ශත 25 ක් වු විශේෂ වෙළඳ භාණ්ඩ බද්දේ වලංගු කාලය ද ලබන වසරේ මාර්තු 31 දක්වා දීර්ඝ කර ඇති බවයි මුදල් අමාත්‍යංශය කියාසිටියේ.

මීට අමතරව පරිප්පු / ටින් මාලු / ලොකු ලුණු / අල / සීනි සහ හාල්මැස්සන් වැනි අත්‍යවශ්‍ය ආහාර ද්‍රව්‍ය හිගයකින් තොරව පාරිභෝගිකයන්ට ලබාදීමට අවශ්‍ය කටයුතු සම්පාදනය කර තිබෙනවා.

එම ද්‍රව්‍ය ආනයනික මිළට ලංකාවේ ඕනෑම ප්‍රදේශයක අලෙවි කරන බවට ආනයනකරුවන් රජයට පොරොන්දුවී ඇති බවයි මුදල් අමාත්‍යංශය කියාසිටියේ.

ඒ සඳහා ඔවුන්ට දැරීමට සිදුවන අමතර වියදම් වන ආනයන බදු / ගබඩා වියදම් වෙනුවෙන් රජය මගින් සහන ලබාදෙනු ඇති.

මේ අතර පොල් සඳහා ඇති ඉල්ලුමට විකල්පයක් ලෙසට පොල් මද තීරු බදුවලින් තොරව ආනයන කිරීමට පොල් කිරි නිශ්පාදකයින්ට සහ කර්මාන්තකරුවන්ට අවසර ලබාදී තිබෙනවා.

පොල් මද ක්ෂණිකව වරායෙන් නිශ්කාෂණය කරගත හැකි වන පරිදි අවශ්‍ය අනුමැතිය එක් දිනකින් ලබාදීමටයි රජය අදාළ අංශ වෙත උපදෙස් ලබාදී ඇත්තේ.