රොනී ලීච්ගේ දේහය ලංකාවට ගෙන ඒම තවත් කල් යයි

අභාවප්‍රාප්ත ජනප්‍රිය ගායන සහ රංගන ශිල්පී රොනී ලීච්ගේ දේහය දිවයිනට ගෙන්වා ගැනීමට තව දින කිහිපයක් ගතවන බව ශ්‍රී ලාංකේය ගායක ගායිකා සංගමයේ සභාපති කීර්ති පැස්කුවල් ප්‍රකාශ කරනවා.

ඕස්ට්‍රේලියාවේ නීති රීතිවලට අනුව මරණ පරීක්ෂන කටයුතු සිදුකිරීමට තව දුරටත් කාලය ගතවනු ඇති අතර එම කටයුතු අවසන් කළ පසු දේහය ලංකාවට රැගෙන ඒමට පෙර තවත් සහතික දෙකක්ද ගතයුතු බවයි සිය ෆේස් බුක් ගිණුම ඔස්සේ සටහනක් තබමින් කීර්ති පැස්කුවල් ප්‍රකාශ කළේ.

මේ හේතුවෙන් දේහය දිවයිනට රැගෙන ආ හැකි නිශ්චිත දිනයක් ප්‍රකාශ කල නොහැකි බව ද ඔහු සඳහන් කළා.

මිට අමතරව රොනී ලීච් මහතාගේ දේහය ශ්‍රී ලංකාවට ගෙන්වීමට යන සියලු වියදම් ජනාධිපති මෙත්‍රීපාල සිරිසේන විසින් දරනු ලබන බවද කීර්ති පැස්කුවල් ප්‍රකාශ කරනවා.

මෙම සියලු කරුණු පිලිබඳ කීර්ති පැස්කුවල් සිය ෆේස් බුක් ගිණුමේ තැබූ සටහන පහතින්.