මීලඟ ගෑස් නැව ගැන අනාවැකිය හෙට

දිවයිනට ගෙන්වා ගැනීමට සැලසුම් කර ඇති මීලඟ ගෑස් නෞකා පිළිබඳව හෙට දැනුම් දිය හැකි බව ලිට්රෝ සමාගම ප්‍රකාශ කළා.

එහි සභාපති මුදිත පීරිස් කියා සිටියේ ඉදිරි දින කිහිපය තුළ කඩිනමින් ගෑස් නෞකා 02 ක් මෙරටට ලබා ගැනීමටද සැලසුම් කරමින් සිටින බවයි.

අවසන්වරට ගොඩබාන ලද නෞකාවේ ගෑස් රෝහල්, හෝටල් සහ ආදාහනාගාර ඇතුළු අත්‍යවශ්‍ය කටයුතු සඳහා ලබාදීම අද දිනයේත් සිදු කෙරෙන බවද ලිට්රෝ සමාගමේ සභාපතිවරයා වැඩිදුරටත් සඳහන් කළා.

එමෙන්ම ඉන්ධන පිරවුම්හල් අසල තවදුරටත් දිගු පෝලිම් දැකගත හැකියි. ඉන්ධන සැපයීම සීමා කිරීමත් සමඟ කිලෝමීටර් ගණනාවක් පුරා දිවෙන පෝලිම් දැකගත හැකි අතර, බොහෝ දෙනෙකු ඊයේ දිනයේත් රැය පහන් කර තිබුණේ ඉන්ධන පෝලිම්වල සිටයි.