මත්පෙති 12120 ක් සමඟ සැකකරුවන් දෙදෙනකු දැලේ

ඇඟලුම් සේවකයින් සහ පාසල් ළමුන් ඉලක්ක කර ගෙන ලක්ෂ 30 කට ආසන්න විස මත්පෙති විකිණිමේ ජාවාරමට අදාලව මත්පෙති 12120 ක් සමඟ සැකකරුවන් දෙදෙනකු දැරණියගල නුරිය පොලිසිය විසින් අත්අඩංගුවට ගෙන තිබෙනවා.

මෙම සිද්ධියට අදාලව උඩහේන් කන්ද, දැරණියගල පදිංචි ඉඹුල්පිටි කන්දේ සැකකරුවෙකු මෙලෙස ඊයේ (11) දින අත් අඩංගුවට ගෙන තිබෙනවා.

ඉහත සැකකරුහට මත් පෙති වෙළඳාම සඳහා මත් පෙති ලබා දීමට පැමිණි දෙහිවල කුලී නිවසක පදිංචි පුද්ගලයකු නිසි අවසරයකින් තොරව PREGABALIN වර්ගයේ මත් පෙති 700 ක් සන්තකයේ තබා ගැනීම සම්බන්ධයෙන් අවිස්සාවේල්ල නගරයේදී සාර්ථක වැටලීමක් සිදු කර සැකකරු අත් අඩංගුවට ගත් බවයි පොලිසිය පවසන්නේ.

එහිදී වැඩිදුරටත් අනාවරණය කරගත් තොරතුරු මත මෙම සැකකරුගේ දෙහිවල ලිපිනයේ තිබී විකිණීම සඳහා නිසි බල පත්‍රයකින් තොරව ගබඩා කර තිබූ තවත් PREGABALIN මත් පෙති 11400 ක් අත් අඩංගුවට ගෙන තිබෙනවා.

මේ සම්බන්ධයෙන් වැඩිදුරටත් කරන ලද විමර්ශනයේදී මෙම සැකකරු මීට වසර දෙකකට පමණ පෙර ඖෂධ සමාගමේ බෙදා හැරීමේ නිලධාරියකු ලෙස කටයුතු කර ඉවත්ව ඇති පුද්ගලයකු බවයි පොලිසිය සඳහන් කළේ.
ඒ සම්බන්ධතා මත මෙම මත් පෙති ලබා ගෙන ඇති බවට තොරතුරු අනාවරණය වී තිබෙනවා.

මේ සම්බන්ධයෙන් ස්ථානාධිපති නුරිය පොලිසිය විසින් වැඩිදුරටත් විමර්ශන කටයුතු සිදු කරන අතර මෙම වැටලීම් වලදී අත් අඩංගුවට ගත් මුළු PREGABALIN මත් පෙති ප්‍රමාණය 12120 ක් බවට පොලිසිය පවසනවා.
පොලිසිය සදහන් කළේ එක මත්කරලක් රුපියල් 250ත් 300ත් අතර මුදලට අලෙවි කරන බවයි.
දෙහිඕවිට දැරණියගල නුරිය ,මාලිබොඩ යන ප්‍රදේශවල ඇඟලුම් සේවකයින් සහ පාසල් දරුවන් ඉලක්ක කර මේම ජාවාරම සිදුකරගෙන ගොස් ඇති බවට තොරතුරු අනාවරණය වි තිබෙනවා.

අද දින සැකකාර පුද්ගලයන් දෙදෙනා අවිස්සාවේල්ල මහෙස්ත්‍රාත් අධිකරණයට ඉදිරිපත් කිරිමට නියමිතයි