ඉන්දීය නාවික හමුදාවේ ‘INS NIREEKSHAK’ නෞකාව දිවයිනෙන් පිටත්ව යයි

%E0%B6%89%E0%B6%B1%E0%B7%8A%E0%B6%AF%E0%B7%93%E0%B6%BA+%E0%B6%B1%E0%B7%8F%E0%B7%80%E0%B7%92%E0%B6%9A+%E0%B7%84%E0%B6%B8%E0%B7%94%E0%B6%AF%E0%B7%8F%E0%B7%80%E0%B7%9A+%E2%80%98INS+NIREEKSHAK%E2%80%99+%E0%B6%B1%E0%B7%9E%E0%B6%9A%E0%B7%8F%E0%B7%80+%E0%B6%AF%E0%B7%92%E0%B7%80%E0%B6%BA%E0%B7%92%E0%B6%B1%E0%B7%99%E0%B6%B1%E0%B7%8A+%E0%B6%B4%E0%B7%92%E0%B6%A7%E0%B6%AD%E0%B7%8A%E0%B7%80+%E0%B6%BA%E0%B6%BA%E0%B7%92

මිශ්‍ර වායු කිමිදුම් පුහුණු වැඩසටහනක් සඳහා මෙරටට පැමිණි ඉන්දීය නාවික හමුදාවට අයත් ‘INS NIREEKSHAK’ නෞකාව සිය සංචාරය නිම කරමින් කොළඹ වරායෙන් පිටත්ව ගිය බව ශ්‍රී ලංකා නාවික හමුදාව පවසනව‍ා.

නෞකාව පිටත්වීමේදී ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව ඊට සමුදීම සිදු කර තිබුණා.

සංචාරය අතරතුර, ‘INS NIREEKSHAK’ නෞකාවේ අණදෙන නිලධාරී කොමාණ්ඩර් සයිලේෂ් කුමාර් ත්‍යාගි (Sailesh Kumar Tyagi) සහ බටහිර නාවික විධානයේ ආඥාපති රියර් අද්මිරාල් ජගත් කුමාර අතර නිල හමුවක් බටහිර විධාන මූලස්ථානයේදී පැවැත්වූ බවයි නාවික හමුදාව පවසන්නේ.

‘Diving Support Vessel’ වර්ගයට අයත් මෙම නෞකාව දිවයිනේ රැඳී සිටි කාලය තුළ, එහි නැව් මුළුව ශ්‍රී ලංකා නාවික හමුදාව සමඟ එක්ව ‘මිශ්‍ර වායු කිමිදුම් පුහුණු’ (Mixed Gas Diving Training) වැඩසටහනක නිරත වී ඇතැයි ද නාවික හමුද‍ාව සඳහන් කරනවා.

මෙම අභ්‍යාසය හරහා දෙරටේම නාවික කිමිදුම් අංශයන් අතර අත්දැකීම් හුවමාරු කර ගැනීමටත්, වෘත්තීය හැකියාවන් වර්ධනය කර ගැනීමටත් සුවිශේෂී අවස්ථාවක් හිමිවූ බවයි නාවික හමුදාව පැවසුවේ.

පසුගිය අප්‍රේල් 21 වන දින දිවයිනට පැමිණි මෙම නෞකාව දින අටක කාලයක් මෙරට රැඳී සිටිමින් දෙරටේ නාවික සබඳතා තවදුරටත් ශක්තිමත් කිරීමට දායකවී තිබුණා.