හෝමුස් සන්ධියේ බාධා ලෝක ආර්ථිකයේ ‘හුස්ම හිරකරයි’ - එක්සත් ජාතීන්ගේ මහලේකම්

හෝමුස් සමුද්‍ර සන්ධියේ (Strait of Hormuz) පවතින බාධාවන් ගෝලීය ආර්ථිකය ‘හුස්ම හිරකරන’ (strangling) තත්ත්වයකට පත් කර ඇති බව එක්සත් ජාතීන්ගේ මහලේකම් ඇන්ටෝනියෝ ගුටරෙස් පවසනවා.

පවතින බාධාවන් හමුවේ ඉදිරියේදී ඇති විය හැකි හොඳම තත්ත්වය යටතේ වුවද, ගෝලීය ආර්ථිකයට ඉන් එල්ල වන දැඩි පීඩනය තවදුරටත් පවතිනු ඇති බවටයි ඔහු අනතුරු අඟවන්නේ.

එමෙන්ම, හෝමුස් සමුද්‍ර සන්ධියේ පනවා ඇති සීමාවන් අද දින ඉවත් කරනු ලැබුවද, බිඳවැටී ඇති ලෝක සැපයුම් දාමයන් යථා තත්ත්වයට පත්වීම සඳහා තවත් මාස ගණනාවක් ගත වනු ඇති බවත් ඔහු පෙන්වා දෙනවා.

මෙම ප්‍රමාදය හේතුවෙන් ගෝලීය ආර්ථික නිෂ්පාදනය (economic output) තවදුරටත් පහළ මට්ටමක පවතිනු ඇති අතර භාණ්ඩ හා සේවා මිල ගණන් දීර්ඝ කාලයක් පුරා ඉහළ මට්ටමක පවතිනු ඇතැයි ඔහු වැඩිදුරටත් සඳහන් කළ බව විදෙස් මාධ්‍ය වාර්තා කරනවා.

මූලාශය | අල්ජසීරා