මිතුරු මත්පැන් සාදයකදී බෝතල් පහරකින් අයෙක් මරුට

%E0%B6%B8%E0%B7%92%E0%B6%AD%E0%B7%94%E0%B6%BB%E0%B7%94+%E0%B6%B8%E0%B6%AD%E0%B7%8A%E0%B6%B4%E0%B7%90%E0%B6%B1%E0%B7%8A+%E0%B7%83%E0%B7%8F%E0%B6%AF%E0%B6%BA%E0%B6%9A%E0%B6%AF%E0%B7%93+%E0%B6%B6%E0%B7%9D%E0%B6%AD%E0%B6%BD%E0%B7%8A+%E0%B6%B4%E0%B7%84%E0%B6%BB%E0%B6%9A%E0%B7%92%E0%B6%B1%E0%B7%8A+%E0%B6%85%E0%B6%BA%E0%B7%99%E0%B6%9A%E0%B7%8A+%E0%B6%B8%E0%B6%BB%E0%B7%94%E0%B6%A7

යාපනය පොලිස් වසමට අයත් ගුරුනගර් ප්‍රදේශයේදී මිතුරන් දෙදෙනෙකු අතර ඇති වූ ආරවුලක් දුරදිග යාමෙන් සිදු කළ පහරදීමකින් 36 හැවිරිදි පුද්ගලයකු ඊයේ (03) රාත්‍රී ජීවිතක්ෂයට පත්ව ඇතැයි පොලිසිය පවසනවා.

පොලිස් විමර්ශනවලට අනුව, මියගිය පුද්ගලයා සහ ඔහුගේ මිතුරෙකු එක්ව ගුරුනගර් ප්‍රදේශයේදී මත්පැන් පානය කරමින් සිට ඇති බවත්, එහිදී ඔවුන් දෙදෙනා අතර ඇති වූ හදිසි බහින්බස් වීමකින් පසු මෙම ඝාතනනය සිදුව ඇති බවත් පොලිසිය සඳහන් කරනවා.

එක් මිතුරෙකු අනෙක් මිතුරාට මත්පැන් බෝතලයකින් පහර දී ඇති බවත් එහිදී බරපතල තුවාල ලැබූ පුද්ගලයා යාපනය ශික්ෂණ රෝහලට ඇතුළත් කර ප්‍රතිකාර ලබමින් සිටියදී මියගොස් ඇති බවත් පොලිසිය පවසනවා.

සිද්ධිය සම්බන්ධයෙන් යාපනය පොලිස් ස්ථානයට ලද තොරතුරක් මත වහාම ක්‍රියාත්මක වූ නිලධාරීන්, ඝාතනයට සම්බන්ධ බවට සැකකෙරෙන 42 හැවිරිදි පුද්ගලයා අත්අඩංගුවට ගෙන තිබෙනවා.

අත්අඩංගුවට ගත් සැකකරු අද (04) යාපනය අධිකරණයට ඉදිරිපත් කිරීමට නියමිතයි.

යාපනය පොලිස් ස්ථානාධිපතිවරයාගේ උපදෙස් මත සිද්ධිය සම්බන්ධයෙන් වැඩිදුර විමර්ශන කටයුතු ක්‍රියාත්මක වෙනවා.