මනූෂගේ බැංකු ගිණුම් 5ක් පිරික්සන්න අධිකරණයෙන් නියෝග

%E0%B6%B8%E0%B6%B1%E0%B7%96%E0%B7%82%E0%B6%9C%E0%B7%9A+%E0%B6%B6%E0%B7%90%E0%B6%82%E0%B6%9A%E0%B7%94+%E0%B6%9C%E0%B7%92%E0%B6%AB%E0%B7%94%E0%B6%B8%E0%B7%8A+5%E0%B6%9A%E0%B7%8A+%E0%B6%B4%E0%B7%92%E0%B6%BB%E0%B7%92%E0%B6%9A%E0%B7%8A%E0%B7%83%E0%B6%B1%E0%B7%8A%E0%B6%B1+%E0%B6%85%E0%B6%B0%E0%B7%92%E0%B6%9A%E0%B6%BB%E0%B6%AB%E0%B6%BA%E0%B7%99%E0%B6%B1%E0%B7%8A+%E0%B6%B1%E0%B7%92%E0%B6%BA%E0%B7%9D%E0%B6%9C

හිටපු විදේශ රැකියා අමාත්‍ය මනූෂ නානායක්කාරගේ බැංකු ගිණුම් 5ක් සම්බන්ධයෙන් සවිස්තර විස්තර වර්තා අපරාධ පරීක්‍ෂණ දෙපාර්තමේන්තුවේ
නීති විරෝධී වත්කම් විමර්ශන කොට්ඨාසයට දින 14ක් තුළ ලබා දෙන ලෙස රාජ්‍ය බැංකුවක් ඇතුලු පෞද්ගලික බැංකු පහක කලමනාකරුවන්ට කොළඹ ප්‍රධාන මහේස්ත්‍රාත් අසංග එස්. බෝදරගම විසින් නියෝග නිකුත් කළා.

මුදල් විශුද්ධීකරණ පනත යටතේ හිටපු අමාත්‍ය මනූෂ නානායක්කාරට එරෙහිව විමර්ශනයක් ආරම්භ ඇති බවත් ඒ හේතුවෙන් බැංකු ගිණුම් වර්තා කැඳවිය යුතු බව නීති විරෝධී වත්කම් විමර්ශන කොට්ඨාසය අධිකරණය හමුවේ දැන්වූ අවස්ථාවේදී මෙලෙස නියෝග කළා.

හිටපු අමාත්‍යවරයාට එරෙහිව මුදල් විශුද්ධීකරණ පනත යටතේ විමර්ශනයක් සිදු කරන ලෙස ඉල්ලා නාස්තියට එරෙහි පුරවැසි බලය සංවිධානයේ සභාපතිවරයා විසින් නීති විරෝධී වත්කම් විමර්ශන කොට්ඨාසය වෙත කරන ලද පැමිණිල්ලකට අනුව එහි විමර්ශන කටයුතු ආරම්භ කළ බවයි විමර්ශන නිලධාරීන් සඳහන් කළේ.

2011,2013,2015 සහ 2022 යන ව‍ර්ෂවලට අදාලව වත්කම් බැරකම් ප්‍රකාශ ඉදිරිපත් කර නොමැති බවද විමර්ශන නිලධාරීන් අධිකරණයට දැන්වුවා.

නීති විරෝධී වත්කම් කොට්ඨාසය සිද්ධිය සම්බන්ධයෙන් කොළඹ ප්‍රධාන මහේස්ත්‍රාත් වෙත කරුණු දැක්වීමක් සිදුකරමින් අධිකරණයට දන්වා සිටියේ සිද්ධියට අදාල සැකකරුගේ බැංකු ගිණුම් 5ක් පිළිබඳව විමර්ශනය කිරීමට තිබෙන බැවින් නියෝග ලබා දෙන බවයි.