අමෙරිකානු ජනපති වෙනුවෙන් චීන ජනපතිගෙන් පිළිගැනීමේ රාත්‍රී භෝජන සංග්‍රහයක්

චීන ජනාධිපති ෂී ජින්පිං චීනයේ නිල සංචාරයකට එක්ව සිටින අමෙරිකා ජනාධිපති ඩොනල්ඩ් ට්‍රම්ප් වෙනුවෙන් පිළිගැනීමේ භෝජන සංග්‍රහයක් පවත්වා තිබෙනවා.

ඒ බෙයිජිංහි මහජන මහා ශාලා පරිශ්‍රයේදී.

එහිදී දෙරටේ නායකයින් සිය අදහස් පළ කළා.

චීන-අමෙරිකානු ජනතාව ඉතා විශිෂ්ට බව ෂී ජින්පිං එහිදී පැවසුවා.

එමෙන්ම චීන ජාතියේ අභිමානවත් පුනරුදය සාක්ෂාත් කර ගැනීමට සහ ඇමරිකාව යළි විශිෂ්ටත්වයට පත් කිරීම වෙනුවෙන් දෙපාර්ශ්වයටම එකිනෙකා වෙත සහාය විය හැකි බව පැවසූ ජනපතිවරයා,ඉන් ලෝකය වෙත සුබ සෙත සැලසීමට හැකි වනු ඇති බවත් සඳහන් කළා.

නව තත්වයන් යටතේ, චීන- අමෙරිකානු සබඳතාවන්හි සමස්ත ස්ථාවරත්වය පවත්වා ගැනීම සඳහා තමා ට්‍රම්ප් ජනාධිපතිවරයා සමග අවස්ථා කිහිපයකදීම මුණ ගැසීම් සහ දුරකථන සංවාද පවත්වා තිබෙන බව ෂී ජින් පිං පැවසුවා.

චීන-ඇමරිකානු සම්බන්ධතාවය වත්මන් ලෝකයේ වැදගත්ම ද්විපාර්ශ්වික සබඳතාව බව දෙපාර්ශ්වයම පිළිගන්නක්. එමෙන්ම චීනයටත් ඇමරිකාවටත් සහයෝගීතාවයෙන් ප්‍රතිලාභ ලැබිය හැකි වුවත් ගැටුම්වලින් දෙපාර්ශ්වයටම අහිතකර විපාක අත්වනු ඇති බැවින් දෙරටම හවුල්කරුවන් ලෙස ක්‍රියා කළ යුතු යනුවෙනුයි ජනපතිවරයා පවසා සිටියේ.

චීන සංචාරයේදී ෂී ජින් පිං දැක්වූ උණුසුම් ආගන්තුක සත්කාරය වෙනුවෙන් ට්‍රම්ප් මහතා මෙහිදී සිය කෘතඥතාව පළ කළා.

අද දිනය සුන්දර දිනයක් බවත්, එය වැදගත් සංචාරයක් බවත්, දෙපාර්ශ්වය අතර ධනාත්මක හා ඵලදායී සංවාදයක් පැවති බවත් ඔහු පැවසුවා.

අමෙරිකානු සහ චීන ජනතාව එකිනෙකා අගය කරන බවත් ගරු කරන බවත්, ඔවුන්ගේ මිත්‍රත්වයට දිගු ඉතිහාසයක් ඇති බවත් ඔහු ප්‍රකාශ කර තිබෙනවා.

එමෙන්ම ඇමරිකානු-චීන සම්බන්ධතාවය ලෝකයේ වැදගත්ම ද්විපාර්ශ්වික සම්බන්ධතාවය බවත්,ලෝකයට වඩා යහපත් අනාගතයක් නිර්මාණය සඳහා දෙරට සහයෝගීතාව ශක්තිමත් කළ යුතු බවත් ඔහු වැඩිදුරටත් කියාසිටියා.