අළුත්ගමදී ත්‍රිරෝද රථයක් දුම්රියක ගැටී අයෙක් මරුට

මරදාන සිට හික්කඩුව බලා ධාවනය වූ කාර්යාලීය සීඝ්‍රගාමී දුම්රියේ, අලුත්ගම ඩිපෝව පාර පිහිටි දුම්රිය හරස් මාර්ගයේදී ත්‍රීරෝද රථයක් ගැටීමෙන් එහි රියැදුරු එම ස්ථානයේදීම ජීවිතක්ෂයට පත්ව ඇතැයි අලුත්ගම පොලිසිය පවසනවා.

මෙම අනතුර අද (10) සවස් කාලයේදී සිදුව තිබෙනවා.

අනතුරට පත් ත්‍රීරෝද රථය දර්ගා නගරයේ සිට අලුත්ගම දෙසට ධාවනය වී ඇති අතර, දුම්රිය පැමිණෙන අවස්ථාවේදී අපරීක්ෂාකාරී ලෙස එය දුම්රිය මාර්ගයට ඇතුළු කිරීම නිසා මෙම අනතුර සිදු ඇති බව මූලික විමර්ශනවලදී අනාවරණය වී ඇති බවයි පොලිසිය පවසන්නේ.

අනතුර සිදුවන අවස්ථාවේදී ත්‍රීරෝද රථය තුළ රියදුරු පමණක් සිට ඇති අතර, මියගිය පුද්ගලයා කරපාගල යගිරල ප්‍රදේශයේ පදිංචිව සිටි රුවන් කුමාර ව්තානාච්චි නැමැති (40) පුද්ගලයෙකි.

සිද්ධිය සම්බන්ධයෙන් අලුත්ගම පොලිසිය ඉදිරි විමර්ශන කටයුතු සිදුකරනු ලබනවා.