සෙව්වන්දිට තවත් දින 30 ක රැඳවුම් නියෝග

%E0%B7%83%E0%B7%99%E0%B7%80%E0%B7%8A%E0%B7%80%E0%B6%B1%E0%B7%8A%E0%B6%AF%E0%B7%92%E0%B6%A7+%E0%B6%AD%E0%B7%80%E0%B6%AD%E0%B7%8A+%E0%B6%AF%E0%B7%92%E0%B6%B1+30+%E0%B6%9A+%E0%B6%BB%E0%B7%90%E0%B6%B3%E0%B7%80%E0%B7%94%E0%B6%B8%E0%B7%8A+%E0%B6%B1%E0%B7%92%E0%B6%BA%E0%B7%9D%E0%B6%9C

ගනේමුල්ල සංජීව නමැත්තා ඝාතනය කිරීමට අනුබල දීම සම්බන්ධයෙන් අත්අඩංගුවට ගෙන රඳවා තබාගෙන ප්‍රශ්න කරනු ලබන ඉෂාරා සෙව්වන්දි තවත් දින 30 ක් රඳවා තබාගෙන ප්‍රශ්න කරන බව කොළඹ අපරාධ කොට්ඨාශය අද (12) දින කොළඹ ප්‍රධාන මහේස්ත්‍රාත් අසංග එස්. බෝදරගම හමුවේ පැවසූවා.

සිද්ධියට අදාලව කොළඹ අපරාධ කොට්ඨාශය විසින් සිදු කරනු ලැබූ කරුණු දැක්වීමකින් අනතුරුව එලෙස නියෝග කළා.

සිද්ධියට අදාලව කොළඹ අපරාධ කොට්ඨාශය විසින් ඉෂාරා සෙව්වන්දි නමැත්තියට මීට පෙර ලබා ගෙන තිබු දින 30 ක රැඳවුම් නියෝග කාලය අදින් අවසන් වන බැවින් නැවත දින 30 ක කාලයක් ලබා ගත් බවයි අධිකරණයට දන්වා සිටියේ.

සැකකාරියට එරෙහිව ගෙන තිබූ දින 90ක රැඳවුම් නියෝග 2026/1/15 දිනෙන් අවසන් වන බැවින් තවත් දින 90 ක රැඳවුම් නියෝග ලබාගත් බව කරුණු දක්වමින් කොළඹ අපරාධ කොට්ඨාසය සඳහන් කළා.

මෙම සිද්ධියට අදාළව මේ වන විට විදේශගතව සිටින සැකකරුවන්ට ඉංග්‍රීසි භාෂාවෙන් රතු නිවේදන නිකුත් කිරීමටද පියවර ගන්නා බව කොළඹ අපරාධ කොට්ඨාශ අධිකරණයට දැන්වූවා.

සිද්ධියට අදාල නඩුව කැඳවූ අවස්ථාවේදී සැකකරුවන් දෙදෙනෙකු විවෘත අධිකරණයේ පෙනී සිටි අතර අනෙක් සැකකරුවන් සුම් තාක්ෂණය ඔස්සේ අධිකරණයට පෙනී සිටියා.

සිද්ධියට අදාළ සැකකරුවන් ලබන 26 දක්වා රක්ෂිත බන්ධනාගාරගත කළා.