අමෙරිකන් - ඉරාන යුද ගැටුම් නිමා කිරීමේ සූදානමක් - ජිනීවා නුවරදී ගිවිසුම අත්සන් තැබෙන ලකුණු

ඇමරිකා එක්සත් ජනපදය සහ ඉරානය අතර පවතින යුද ගැටුම් නතර කිරීමේ අරමුණින් සකස් කෙරෙන විශේෂ අවබෝධතා ගිවිසුමක් එළඹෙන ඉරිදා දිනයේදී අත්සන් කිරීමට නියමිත බව රොයිටර් පුවත් සේවය වාර්තා කරනවා.

මෙම ඓතිහාසික ගිවිසුම අත්සන් තැබීම සඳහා ස්විට්සර්ලන්තයේ ජිනීවා නුවර වඩාත් සුදුසුම ස්ථානය ලෙස තෝරාගෙන ඇති බව වැඩිදුරටත් සඳහන්.

කෙසේ වෙතත්, මෙම ගිවිසුමට අදාළ ලියකියවිලි සකස් කිරීමේ කටයුතු තවමත් අවසන් අදියරේ පවතින අතර, සිය කොන්දේසියක් සම්බන්ධයෙන් ඉරානය තවදුරටත් දැඩි ස්ථාවරයක සිටින බවයි විදෙස් මාධ්‍ය පවසන්නේ.

එනම්, මෙම ගිවිසුම මගින් ලෙබනනයේ පවතින යුද තත්ත්වයද සම්පූර්ණයෙන්ම අවසන් විය යුතු බවට ඉරානය අවධාරණය කර සිටින බවයි වැඩිදුරටත් වාර්තා වෙන්නේ.

මූලාශ්‍රය: රොයිටර්