අමෙරිකාව ලබන සතියේ වොෂින්ටනයේදී ඊශ්‍රායල-ලෙබනන් සාකච්ඡා වටයක් ප්‍රකාශයට පත් කරයි

ඊශ්‍රායලය සහ ලෙබනනය අතර නව සාකච්ඡා වටයක් ලබන සතියේදී වොෂින්ටන් ඩී.සී. නුවරදී පැවැත්වෙන බව අමෙරිකානු රාජ්‍ය දෙපාර්තමේන්තුව ප්‍රකාශ කර තිබෙනවා.

ඊශ්‍රායලය සහ ලෙබනන් ත්‍රස්ත සංවිධානයක් විසින් ලෙබනනය තුළ යළිත් වරක් සටන් විරාමයක් ප්‍රකාශයට පත් කිරීමෙන් සුළු මොහොතකට පසුවයි මෙය ප්‍රකාශ කර ඇත්තේ.

අමෙරිකානු රාජ්‍ය ලේකම් මාර්කෝ රූබියෝ ඊයේ (19) ලෙබනන් ජනාධිපති ජෝසප් අවුන් සමග සාකච්ඡා කළ බවත්, ලෙබනනය ඊශ්‍රායලය සමග පවත්වන ද්විපාර්ශ්වික සාකච්ඡා පමණක්ම එරට ප්‍රතිසංස්කරණ, ආර්ථික පුනර්ජීවනය සහ නැවත නැවතත් සිදුවන ප්‍රචණ්ඩත්වයේ චක්‍රය අවසන් කිරීම සඳහා ඇති එකම ප්‍රායෝගික මග බව එහිදී අවධාරණය කළ බවත්, රාජ්‍ය දෙපාර්තමේන්තුව සඳහන් කර තිබෙනවා.