භූ කම්පනයෙන් පසු වෙනිසියුලාවේ ගුවන් තොටුපළ වසා දමයි

වෙනිසියුලාවේ හටගත් භූ කම්පනයෙන් පසු එරට ප්‍රධානම ගුවන් තොටුපළ වන සයිමන් බොලිවර් ජාත්‍යන්තර ගුවන් තොටුපළ තාවකාලිකව වසා දමා ගුවන් මෙහෙයුම් ද අත්හිටුවනු ලැබුවා.

ගුවන් තොටුපලේ වහළය කඩා වැටීමට ද ලක්වූ අතර, ඒ අනුව ආරක්ෂිත පියවරක් ලෙස මෙලෙස ගුවන් තොටුපළ වසා දැමීමටයි පියවර ගෙන ඇත්තේ.

භූ කම්පනයත් සමග කරාකස් අගනුවර සහ තවත් ප්‍රදේශ රැසක විදුලි බලය සහ සන්නිවේදන සේවා සම්පූර්ණයෙන්ම පාහේ ඇනහිට ඇති බව සඳහන්.

මෙම භූ කම්පන ද්විත්වයෙන් මේ වන විට පුද්ගලයින් 32 දෙනෙකු මිය ගොස් 700කට අධික පිරිසක් තුවාල ලබා තිබෙනවා.

තවත් විශාල පිරිසක් අතුරුදන්ව ඇති බවයි එරට වැඩබලන ජනාධිපති ඩෙල්සි රොඩ්‍රිගස් කියා සිටියේ.