තෙල් මිල අඩු කිරීම ගැන දැන්ම කියන්න බෑ.. ලෝකෙ මිල අඩු වුණාම සහනයක් දෙන්නම් - බලශක්ති ඇමති

ලෝක වෙළෙඳපොළේ ඉන්ධන මිල අඩුවන අවස්ථාවේ එම සහනය ජනතාවට ලබාදෙන බව බලශක්ති ඇමති අනුර කරුණාතිලක පවසනවා.

ඉන්ධන මිල සහනයක් ලබාදෙන්නැයි විපක්ෂ නායක සජිත් ප්‍රේමදාස කළ ඉල්ලීමට පිළිතුරු ලබා දෙමින් වැඩිදුරටත් අදහස් දැක්වූ බලශක්ති අමාත්‍යවරයා;

"ඩීසල් සඳහා රුපියල් සීයක සහ පැට්‍රල් සඳහා රුපියල් 20ක සහනාධාරය ලබා දෙනවා. ඉන්ධන සහනාධාරය සමාන ලෙස ලබාදීමක් කරන්නේ නෑ. දැනට බිලියන 57ක සීමාවක් සහනාධාරය සඳහා කැබිනට් මණ්ඩලය වෙන් කරලා තියෙනවා මෙම මුදල සම්පූර්ණයෙන්ම භාවිතා කරලා නැහැ.

මිල ගණන් වෙනස් කරනවා කියන එක දැන්ම කියන්න බෑ. ලෝක වෙළඳපොලේ මිල ගණන් අනුව තමයි තීරණය කරන්න වෙන්නේ. මාර්තු මාසේ ඉඳන් ඉන්ධන වල මිල වැඩිවීම සිදුවෙලා තියෙනවා.

මැද පෙරදිග යුදමය තත්ත්වය ආරම්භ වූ වේලාව. යුද්ධය සඳහා තීරණය ගත්තේ කවුද කියලා අපි දන්නේ නෑ. ලෝක වෙළෙඳපොළ මිල වැඩිවීම නිසා තමයි ලංකා වෙළඳපොළේ මිල වැඩි වුණේ. ගෝලීය වෙළඳපොළේ පහළ යන අවස්ථාවේ ඒ වාසිය ලබා දෙනවා. මිල අඩු කිරීම අනිවාර්යෙන්ම පාරිභෝගිකයාට ලබාදීමට කටයුතු කරනවා."