බැංකොක් නුවර මත්පැන්හලක ඇති වූ දරුණු ගින්නකින් පුද්ගලයින් 27කට දිවි අහිමි වෙයි

%E0%B6%B6%E0%B7%90%E0%B6%82%E0%B6%9A%E0%B7%9C%E0%B6%9A%E0%B7%8A+%E0%B6%B1%E0%B7%94%E0%B7%80%E0%B6%BB+%E0%B6%B8%E0%B6%AD%E0%B7%8A%E0%B6%B4%E0%B7%90%E0%B6%B1%E0%B7%8A%E0%B7%84%E0%B6%BD%E0%B6%9A+%E0%B6%87%E0%B6%AD%E0%B7%92+%E0%B7%80%E0%B7%96+%E0%B6%AF%E0%B6%BB%E0%B7%94%E0%B6%AB%E0%B7%94+%E0%B6%9C%E0%B7%92%E0%B6%B1%E0%B7%8A%E0%B6%B1%E0%B6%9A%E0%B7%92%E0%B6%B1%E0%B7%8A+%E0%B6%B4%E0%B7%94%E0%B6%AF%E0%B7%8A%E0%B6%9C%E0%B6%BD%E0%B6%BA%E0%B7%92%E0%B6%B1%E0%B7%8A+27%E0%B6%9A%E0%B6%A7+%E0%B6%AF%E0%B7%92%E0%B7%80%E0%B7%92+%E0%B6%85%E0%B7%84%E0%B7%92%E0%B6%B8%E0%B7%92+%E0%B7%80%E0%B7%99%E0%B6%BA%E0%B7%92

තායිලන්තයේ බැංකොක් නුවර පිහිටි මත්පැන්හලක ඇති වූ දරුණු ගින්නකින් අවම වශයෙන් පුද්ගලයින් 27 දෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා කරනවා.

X සමාජ මාධ්‍ය ජාලයේ පළ කර ඇති වීඩියෝ දර්ශනවලින් දැක්වෙන්නේ මිනිසුන් කෑගසමින් සහ ඇද වැටෙමින් එම ස්ථානයෙන් පලා යන විට, මත්පැන්හල තුළින් විශාල ගිනිදැල් මතු වන ආකාරයයි. එ

අග්‍රාමාත්‍ය අනූටින් චාන්විරාකුල් සිද්ධිය වූ ස්ථානයේ සිට මාධ්‍ය වෙත අදහස් දක්වමින් කියා සිටියේ මළ සිරුරු 27ක් සොයාගෙන ඇති අතර අනෙක් පිරිස රෝහල් ගත කර ඇති බවයි.

ගින්නට හේතුව මෙතෙක් අනාවරණය වී නොමැති අතර ඒ පිළිබඳව පරීක්ෂණ පවත්වන බවයි අග්‍රාමාත්‍යවරයා පවසා සිටියේ.

ගිනි නිවන භටයින්ට පැය භාගයකට පමණ කාලයකදී ගින්න පාලනය කිරීමට හැකි වුවද, ඉන් සිදු වූ විනාශය ඉතා විශාලයි.

මියගිය 27 දෙනා අතර පිරිමින් 9 දෙනෙකු සහ කාන්තාවන් 18 දෙනෙකු සිටින අතර තවත් 60කට වැඩි පිරිසක් රෝහල්ගතව ප්‍රතිකාර ලබන බව සඳහන්.

තායිලන්තයේ 'Thairath' පුවත් සේවය වාර්තා කළේ පුද්ගලයන් කිහිප දෙනෙකු තවමත් අතුරුදහන් වී ඇති බවයි.

ගින්න හටගන්නා අවස්ථාවේදී එහි සංගීතය සපයමින් සිටි සංගීතඥයෙකුගෙන් තමා සිදුවූයේ කුමක්දැයි විමසූ බව අග්‍රාමාත්‍යවරයා මාධ්‍යවේදීන්ට පැවසුවා.

"ඔහු පැවසුවේ ප්‍රධාන විදුලි ස්විචය අසල ගින්නක් හටගත් බවත්, ඉන් පසුව සියල්ල ඉතා වේගයෙන් සිදු වූ බවත්ය. එතැන පිපිරීමක් සිදු වූ අතර සැවොම දුමෙන් සහ ගින්නෙන් බේරීමට පලා යාමට උත්සාහ කළ බවයි. යනුවෙනුයි අග්‍රාමාත්‍යවරයා වැඩිදුරටත් සඳහන්කර සිටියේ.