හීනටියන මහේෂ්ට රතු වරෙන්තු නිකුත් කිරීමට කටයුතු කරනවා : CCDය අධිකරණයට කියයි

ගණේමුල්ල සංජීව ඝාතන කිරීමේ සිද්ධියට අදාලව මේ වන විට විදේශගතව සිටින සැකකරුවකු වන සුපුන් දයාරත්න ⁣⁣හෙවත් හීනටියන මහේෂ් යන නමැත්තා හට ඉංග්‍රීසි බසින් රතු වරෙන්තු නිකුත් කිරීමට කටයුතු කරන බව කොළඹ අපරාධ කොට්ඨාශය කොළඹ ප්‍රධාන මහේස්ත්‍රාත් අසංග එස්. බෝදරගම හමුවේ දන්වා සිටියා.

සිද්ධියට අදාල සැකකරුවන් ලබන 24 දක්වා රක්ෂිත බන්ධනාගාරගත කරමින් මහේස්ත්‍රාත්වරයා එලෙස නියෝග කළා.

සිද්ධිය සම්බන්ධයෙන් වැඩිදුරටත් කරුණු දැක්වූ කොළඹ අපරාධ කොට්ඨාශය සඳහන් කර සිටියේ මෙම තැනැත්තා ඝාතනය කිරීමට සම්බන්ධව මේ වන විට විදේශගතව සිටින සංවිධානාත්මක අපරාධකරුවකු වන හිනටියන මහේෂ් නමැත්තා අත්අඩංගුවට ගැනීමට පියවර ගෙන ඇති බවයි.

ඒ සම්බන්ධයෙන් ජාත්‍යන්තර පොලිසිය ද දැනුවත් කර ඇති බව කොළඹ අපරාධ කොට්ඨාශය අධිකරණයට දැන්වුවා.

සිද්ධියට අදාළ ප්‍රධාන සැකකාරිය වන ඉෂාරා සෙව්වන්දි නමැත්තියට ලබා තිබෙන දින 30ක රැදවුම් කාලය අවසන් බැවින් අගෝස්තු 12 දක්වා තවත් දින 30ක කාලයක් ලබා ගත් බව කොළඹ අපරාධ කොට්ඨාශය අධිකරණයට කරුණු දැක්වුවා.

තවද මෙම සිද්ධියට අදාල 44 වන සැකකරුගේ ජංගම දුරකතනයේ එමි අංක ලබා ගැනීමට අදාල සමාගම්වලට නියෝග ලබා දෙන ලෙසද අධිකරණයෙන් ඉල්ලා සිටියා.

සිද්ධියට අදාල සැකකරු සුම් තාක්ෂණය ඔස්සේ ඉදිරිපත් කර තිබුණා.