මදුරුවන් බෝ කළ 4,672කට නඩු

මේ වසරේ ජනවාරි සිට ජුනි මාසය දක්වා කාලය තුළ සිය වාසස්ථාන අවට මදුරුවන් බෝවීමට හිතකර තත්ත්වයන් පවත්වාගෙන යාම සම්බන්ධයෙන් දැනට නඩු 4,672 ක් පැවරීමට කටයුතු කර ඇති බව පොලිසිය පවසනවා.

රට තුළ ඩෙංගු රෝගය ව්‍යාප්ත වීම වැළැක්වීම සඳහා පොලිසිය සහ සෞඛ්‍ය අංශ ඒකාබද්ධව ක්‍රියාත්මක කරන විශේෂ ඩෙංගු මර්දන වැඩසටහන් සහ නීතිමය පියවර පිළිබඳව දැනුවත් කරමින් පොලිස් මාධ්‍ය කොට්ඨාසය මේ බව සඳහන් කළා.

පොලිස් කොට්ඨාස 48ක් ආවරණය වන පරිදි පිහිටුවා ඇති මහජන ආරක්ෂක කමිටු හරහා ඩෙංගු මර්දන පවිත්‍රතා ශ්‍රමදාන, දැනුවත් කිරීමේ වැඩසටහන් හා නීතිය බලාත්මක කිරීම යන ක්‍රියාමාර්ග ගැනීම සම්බන්ධයෙන් දැනටමත් උපදෙස් ලබාදී තිබෙනවා.