Share Post
මේ වර්ෂය තුළදී ශ්රී ලාංකිකයින් 250,000 දෙනෙකුට විදේශ රැකියා අවස්ථා ලබාදීමට සැලසුම් කර ඇතැයි ශ්රී ලංකා විදේශ සේවා නියුක්ති කාර්යාංශය පවසනවා.
ශ්රී ලංකා රජය මඟින් සහ කාර්යාංශයේ ලියාපදිංචි රැකියා නියෝජිතායතන හරහා මෙම රැකියා අවස්ථා ශ්රී ලාංකිකයින් වෙත ලබාදීමට කටයුතු කර ඇති බවයි එම කාර්යාංශය සඳහන් කරන්නේ.
මැදපෙරදිග පවතින යුදමය තත්ත්වය හමුවේ ලාංකිකයින් රැකියා සඳහා විදේශගත වීමේ යම් අඩුවක් පෙන්නුම් කළද, ආරක්ෂාකාරී ගමනාන්ත වෙත ඉහළ වැටුප් සහිත රැකියා සඳහා ශ්රමිකයින් යොමු කිරීමට පියවර ගනිමින් සිටින බවයි විදේශ සේවා නියුක්ති කාර්යාංශය පවසන්නේ.
ඒ අනුව, වසරේ ගත වූ කාලය තුළ ලාංකිකයින් 143,087 දෙනෙකු රැකියා සඳහා විදේශගත වී ඇති අතර, ඉන් පිරිමි ශ්රමිකයින් සංඛ්යාව 92,590 ක්.
මෙම කාලය තුළ කාන්තා ශ්රමිකයින් 50,497 දෙනෙකුද රැකියා සඳහා විදේශගත වී ඇති බවයි විදේශ සේවා නියුක්ති කාර්යාංශය සඳහන් කරන්නේ.
මේ දිනවල ශ්රී ලාංකික ශ්රමිකයින් අතර වඩාත් ප්රචලිත ගමනාන්තයක් වන ඊශ්රායල් රාජ්ය සඳහා ශ්රමිකයින් 14,000 දෙනෙකු යොමු කිරීමට කාර්යාංශය සැලසුම් කර ඇති අතර, මේ වන විට ඉන් ශ්රමිකයින් 7,873 දෙනෙකු ඊශ්රායල් රැකියා සඳහා පිටත්ව ගොස් ඇති බව එම කාර්යාංශය සඳහන් කරනවා.
එසේම, දකුණු කොරියාව සඳහා ශ්රමිකයින් 8,000 දෙනෙකු යොමු කිරීමට අපේක්ෂා කරන අතර, ඉන් 4,794 දෙනෙකු මේ වන විටත් පිටත්ව ගොස් ඇති බවයි එම කාර්යාංශය පවසන්නේ.
තවද, නිපුණතා සහිත රැකියා සඳහා ශ්රමිකයින් 73,623 දෙනෙකු 2026 වසරේ ගත වූ කාලය තුළදී විදේශගත වී ඇති අතර, නුපුහුණු කාණ්ඩයේ රැකියා සඳහා ශ්රමිකයින් 69,494 දෙනෙකු පිටත්ව ගොස් ඇති බව කාර්යාංශ දත්ත වාර්තා පෙන්වා දෙනවා.
මේ අතර, මෙම වසරේ ජනවාරි සිට ජූනි දක්වා මාස 6 ක කාලය තුළදී විදේශගත ශ්රී ලංකා ශ්රමිකයින් විසින් ඇමරිකානු ඩොලර් බිලියන 4.6 ක මුදලක් මෙරටට ප්රේෂණය කර හ බව ද එම කාර්යාංශය සඳහන් කරනවා.
Latest News
භෞතික සංවර්ධනයට වඩා රටකට වැදගත් වන්නේ ජනතාවගේ ආධ්යාත්මික වර්ධනයයි - අග්රාමාත්ය ආචාර්ය හරිනි අමරසූරිය
Local
29 July 2026
සැප ගමනකට තවත් මෙට්රෝ බස් නැවක් අද කොළඹට
Local
29 July 2026
අමෙරිකා - සවුදි ඒකාබද්ධ ප්රහාරවලින් ඉරාකයේ PMF හමුදාවේ 20ක් මරුට
Local
29 July 2026
හොරෙන් ගෙනා මුහුදු කූඩැල්ලන් තොගයක් එක්ක12 දෙනෙක් නාවික හමුදා භාරයට
Local
29 July 2026
විනිසුරු විශ්රාම වයස දීර්ඝ කිරීමට එරෙහිව ශ්රී ලංකා නීතිඥ සංගමයෙන් යෝජනාවක් සම්මතයි
Local
29 July 2026
දෙවිනුවර ශ්රී විෂ්ණු මහා දේවාලයේ ‘රන්දෝලි මහ පෙරහර’ අද රාත්රියේ
Local
29 July 2026
රිලවකු පැහැරගත් ෆෝන් එක බේරාගත් එප්පාවල රුවන්ගෙන් ආදර්ශමත් ක්රියාවක්
Local
29 July 2026
දහස් නමක් මහා සඟරුවනට පිදුණු 'හිරු රාජධර්ම ප්රතිපදා' සංඝගත දක්ෂිණාව කැලණි විහාරයේදී"
Local
29 July 2026
ගම්පොල කීරපනේ නිවෙසකදී තියුණු ආයුධයකින් කළ පහරදීමකින් පුද්ගලයෙක් මරුට
Local
29 July 2026
ගෙවුණු පැය 24දී දිවයින පුරා සිදුවූ රිය අනතුරුවලින් 04ක් ජීවිතක්ෂයට
Local
29 July 2026
