Share Post
මිද්දෙණිය - උලහිටියාව ප්රදේශයේ දී අපරාධ කල්ලි සාමාජික බැකෝ සමන්ගේ මව ඝාතනය කිරීම සඳහා වෙඩික්කරුවන් සහ ගිනි අවිය ලබා දී ඇත්තේ කරන්දෙණියේ සුද්දාගේ පාර්ශ්වය විසින් බවට පොලිසිය සැක පළ කරනවා.
මෙම ඝාතනය සිදු කර ඇත්තේ ගනේමුල්ල සංජීවගේ ඝාතනයට පලිගැනීමක් ලෙස බවටත් විශ්වාස කෙරෙනවා.
මිද්දෙණිය - උලහිටියාව ප්රදේශයේ දී යතුරුපැදියකින් පැමිණි දෙදෙනෙකු විසින් එම ප්රදේශයේ නිවසක් ඉදිරිපිට රැඳී සිටි කාන්තාවක ඉලක්කකර මිලිමීටර් 9 වර්ගයේ ගිනි අවියකින් වෙඩිතබා පළාගොස් තිබුණේ ඊයේ (12) සවස් කාලයේදීයි.
වෙඩිතැබීමෙන් පපු ප්රදේශයට බරපතල තුවාල සිදුව තිබූ අදාල කාන්තාව ප්රදේශවාසීන් විසින් රෝහල් ගත කිරීමට කටයුතු කර ඇති අතර එහිදී ඇය ජීවිතක්ෂයට පත්ව තිබෙනවා.
මෙලෙස මියගොස් ඇත්තේ සංවිධානාත්මක අපරාධ කල්ලි සාමාජිකයෙකු බව කියන නැදුන්ගොඩ නිර්මල ප්රසන්න නොහොත් 'බැකෝ සමන්' නමැත්තාගේ මව බවයි පොලිසිය ප්රකාශ කළේ.
ඇයගේ ගේ සිරුරට වෙඩි ප්රහාර 7ක් එල්ලවී ඇති බවයි වාර්තා වෙන්නේ.
සංවිධානාත්මක අපරාධකරුවෙකු වන කෙහෙල්බද්දර පද්මේ සමග ඉන්දුනීසියාවේදී අත්අඩංගුවට ගෙන මෙරටට රැගෙන එනු ලැබූ ‘බැකෝ සමන්’ නමැත්තා මෙ වන විට රක්ෂිත බන්ධනාගාරගත කර සිටිනවා.
අරුණ විදානගමගේ හෙවත් ‘මිද්දෙණියේ කජ්ජා’ සහ දරු දෙදෙනා ඝාතනය කිරීමේ සිදුවීමට චෝදනා එල්ලවන්නේ ‘බැකෝ සමන්’ නමැත්තාටයි.
පසුගිය වසරේ කොළඹ මහේස්ත්රාත් අධිකරණ සංකීර්ණය තුළ ඝාතනය කෙරුණු අපරාධ කල්ලි නායක ‘ගනේමුල්ල සංජීවගේ” ඝාතනය සැළසුම් කිරීමේදී සහ ඝාතනයෙන් පසු වෙඩික්කරුවන්ට සහ ඝාතනයට අධාර අනුබල දුන් පිරිස් වෙත රැකවරණය ලබාදීමේ චෝදනාවද එල්ලවන්නේ ‘බැකෝ සමන්’ නැමැත්තාටයි.
ඒ හේතුවෙන් ගනේමුල්ල සංජීව පාර්ශ්වයෙන් කලක සිට ‘බැකෝ සමන්’ නැමැත්තාගේ සහ කෙහෙල්බද්දර පද්මේගේ ඥාතීන් ඉලක්කකර ප්රහාර දියත් කිරීමට සැළසුම් සකස් කර ඇති බවටද පොලිසිය අනාවරණය කරගෙන තිබෙනවා.
ඒ අනුව ගනේමුල්ල සංජීව ඝාතනයට පලිගැනීමක් ලෙස ගනේමුල්ල සංජීවගේ පාතාල හිතවතෙකු වන කරන්දෙණියේ සුද්දාගේ පාර්ශ්වයෙන් මෙම වෙඩි තැබීමට කරන්නට ඇති බවයි පොලිසිය සැක පළකරන්නේ.
වෙඩිතැබීම සිදුවූ ස්ථානයේ ස්ථානීය පරීක්ෂණය වලස්මුල්ල මහෙස්ත්රාත්වරිය විසින් අද (13) උදෑසන සිදුකෙරුණා.
සිද්ධිය සම්බන්ධයෙන් මේ වනවිට පොලිසිය ප්රදේශවාසීන්ගෙන් ප්රකාශ සටහන් කරගෙන ඇති අතර එම විමර්ශන සඳහා පොලිස් කණ්ඩායම් දෙකක් යොමුකර ඇති බවයි මිද්දෙණිය පොලිසිය සඳහන් කළේ.
මෙම වෙඩි තැබීමත් සමග වසරේ මේ දක්වා සිදුවූ සංවිධානාත්මක වෙඩි තැබීමේ සිදුවීම් ගණන 28 දක්වා ඉහළ යන අතර එම සිදුවීම්වලින් පුද්ගලයින් 18 දෙනෙකු මියගොස් 11 දෙනෙකු තුවාල ලබා තිබෙනවා.
Latest News
ආචාර්ය නන්දා මාලනියන්ගේ අභාවය වෙනුවෙන් තෙදිනක ජාතික ශෝක කාලයක්
Local
20 August 2026
උතුරු සහ නැගෙනහිර ඉඩම් කඩිනමින් ජනතාවට නිදහස් කරන්න – ජනාධිපතිගෙන් ආරක්ෂක අංශවලට උපදෙස්
Local
20 August 2026
උතුරු කොරියානු නායක කිම් ජොන් උන් හමුවීමට ට්රම්ප්ගෙන් සැලසුම්
Local
20 August 2026
"දුෂ්කරම සමයක යුග මෙහෙවර සදානුස්මරණීයයි" - නන්දා මාලනියගේ අභාවය ගැන ජනපතිගෙන් සටහනක්
Local
20 August 2026
අභාවප්රාප්ත විශාරද නන්දා මාලනියගේ අවසන් කටයුතු සෙනසුරාදා
Local
20 August 2026
දකුණු ආසියාවේ අසල්වැසියන්ගේ සියලු ප්රසාදය දිනූ එකම රට ශ්රී ලංකාවයි - Pew Research වාර්තාවකින් හෙළි වෙයි
Local
20 August 2026
වෙරළාශ්රිත මුහුදු ප්රදේශ රළු වෙයි: ධීවර හා නාවික ප්රජාවට විශේෂ අවවාදාත්මක නිවේදනයක්
Local
20 August 2026
ඉන්දියානු සමාගම්වල වාර්තාගත ලාභ වර්ධනයක්
Local
20 August 2026
ජාතියේ යශෝරාවය ආචාර්ය නන්දා මාලනී අභාවප්රාප්ත වෙයි
Local
20 August 2026
රාජගිරිය විහාරස්ථානයක ආරක්ෂාවට සිටි පොලිස් නිලධාරියෙකු වෙඩි වැදී මියයයි
Local
20 August 2026
