දවස් 16 ට සංචාරකයින් 113,307ක් ඇවිත්

මේ මාසයේ මුල් දින 16 තුළදී සංචාරකයින් 113,307 දෙනෙකු මෙරටට පැමිණ ඇති බව ශ්‍රී ලංකා සංචාරක සංවර්ධන අධිකාරිය පවසනවා.

නවතම සංඛ්‍යාලේඛනවලට අනුව, අගෝස්තු මාසයේ මුල් දින 16 තුළ වැඩිම සංචාරකයින් සංඛ්‍යාවක් පැමිණ ඇත්තේ ඉන්දියාවෙන් වන අතර, එම සංඛ්‍යාව 25,355ක්.

එය සමස්ත පැමිණීම්වලින් 22%ක ප්‍රතිශතයක් ලෙස දැක්වෙනවා.

එක්සත් රාජධානියෙන් සංචාරකයින් 12,738ක් සහ ප්‍රංශයෙන් 8,106ක් අදාළ කාලසීමාව තුළ පැමිණ තිබෙන බවයි සඳහන්.

මේ අනුව ජනවාරි පළමු වැනිදා සිට අගෝස්තු 16 වැනිදා තෙක් මෙරටට පැමිණ ඇති සමස්ත සංචාරකයින් සංඛ්‍යාව 1,456,725ක්.