INCO 2026 දී Three Sinha Industries රන් සම්මාන දිනයි

ශ්‍රී ලංකාවේ ප්‍රමුඛ ඉංජිනේරු හා ඉදිකිරීම් විසඳුම් සපයන ආයතනයක් වන Three Sinha Industries (Pvt) Ltd, Institution of Incorporated Engineers, Sri Lanka (IIESL) විසින් සංවිධානය කරන ලද INCO 2026 කාර්මික ප්‍රදර්ශනයේදී “දේශීයව එකලස් කළ නිෂ්පාදන ප්‍රදර්ශනය කළ හොඳම වෙළඳ කුටිය” සඳහා පිරිනැමෙන රන් සම්මානයෙන් පිදුම් ලැබීය.

මෙම සම්මානය පිරිනැමුණේ දේශීය නිෂ්පාදන ප්‍රවර්ධනයට සමාගම ලබා දී ඇති දායකත්වය, ප්‍රදර්ශනයේදී ඉදිරිපත් කළ උසස් මට්ටමේ ප්‍රදර්ශන සැලසුම්කරණය සහ ශ්‍රී ලාංකේය ඉංජිනේරු නිෂ්පාදන ප්‍රවර්ධනය සඳහා දැක්වූ අඛණ්ඩ කැපවීම ඇගයීමට ලක් කරමිනි.

බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ පැවැති INCO 2026 ප්‍රදර්ශනය ශ්‍රී ලංකාවේ ප්‍රධානම කාර්මික හා ඉංජිනේරු ප්‍රදර්ශන අතරින් එකක් ලෙස සැලකේ. මෙයට නිෂ්පාදකයන්, ඉංජිනේරුවන්, තාක්ෂණික ආයතන සහ කර්මාන්ත ක්ෂේත්‍රයේ නියෝජිතයන් රැසක් එක්ව සිටියහ.

නව්‍ය ඉංජිනේරු හා ඉදිකිරීම් විසඳුම් සැපයීමේ අරමුණින් ආරම්භ වූ Three Sinha Industries සමාගම අද වන විට විවිධ ක්ෂේත්‍ර ආවරණය කරන ශක්තිමත් ව්‍යාපාර සමූහයක් ලෙස වර්ධනය වී ඇත. Roller Doors, Roller Shutters, Automatic Gates, Fire Resistant Doors, Aluminium Fabrications, Steel Structures, Security Solutions සහ Solar Energy Systems ඇතුළු පුළුල් නිෂ්පාදන හා සේවා පරාසයක් සමාගම විසින් සපයයි.

දේශීයව නිෂ්පාදනය කරන සහ එකලස් කරන නිෂ්පාදන කෙරෙහි සමාගමේ දැක්වෙන අවධානය හේතුවෙන් දේශීය කර්මාන්ත සංවර්ධනයට සහ රැකියා අවස්ථා නිර්මාණයට ද සැලකිය යුතු දායකත්වයක් ලබා දී ඇත.

INCO 2026 හිදී හිමි වූ මෙම රන් සම්මානය, ශ්‍රී ලංකාවේ ඉංජිනේරු හා නිෂ්පාදන ක්ෂේත්‍රයේ ප්‍රමුඛ සමාගමක් ලෙස Three Sinha Industries සමාගමේ කීර්තිය තවදුරටත් තහවුරු කරන අතර, එහි කාර්ය මණ්ඩලයේ කැපවීම, නවෝත්පාදන හැකියාව සහ උසස් තත්ත්ව ප්‍රමිති පිළිබඳ සාක්ෂියක් ලෙසද සැලකේ.