ජාත්‍යන්තර සිනමා සම්මාන දිනූ මහේන්ද්‍ර පෙරේරා සහ ප්‍රියන්ත සිරිකුමාර දිවයිනට : ගුවන්තොටුපොළේදී උණුසුම් පිළිගැනීමක්

මැලේසියාවේ පැවැති 9 වන ගෝල්ඩන් ග්ලෝබ් (Golden Globe Award) සම්මාන උළෙලේදී විශිෂ්ටතම සම්මාන ද්විත්වයකින් පිදුම් ලැබූ ප්‍රවීණ රංගන ශිල්පී මහේන්ද්‍ර පෙරේරා සහ රංගන ශිල්පී ප්‍රියන්ත සිරිකුමාර අද (26) පස්වරුවේ දිවයිනට පැමිණියා.

මෙම සම්මාන උළෙලේදී 'රිවස්ටන්' චිත්‍රපටයේ දැක්වූ විශිෂ්ට රංගන කෞශල්‍යය වෙනුවෙන් මහේන්ද්‍ර පෙරේරා හොඳම නළුවා ලෙස සම්මානයට පාත්‍ර වූ අතර, ප්‍රියන්ත සිරිකුමාරහොඳම සහාය නළුවා ලෙස සම්මාන දිනා ගැනීමට සමත් වුණා.

කටුනායක බණ්ඩාරනායක ජාත්‍යන්තර ගුවන්තොටුපොළ වෙත පැමිණි මොවුන් දෙදෙනා පිළිගැනීම සඳහා කලාකරුවන් ‍රැසක් සහ හිතමිත්‍රයින් විශාල පිරිසක් එක්ව සිටියා.

ලොව පුරා විවිධ ජාත්‍යන්තර සිනමා සම්මාන උළෙලවලදී සම්මාන සඳහා නිර්දේශ වූ සිනමා නිර්මාණ පමණක් තරගකාරී අංශය සඳහා එකතු කරගැනීම මෙම උළෙලේ ඇති විශේෂත්වක්.