றோயலை வீழ்த்திய சென்.பீட்டர்ஸ், கிண்ணத்தை தமதாக்கியது

2026 டயலொக் பாடசாலைகள் ரக்பி லீக் தொடரின் பிரதான கிண்ணப் பிரிவில் நடைபெற்ற தீர்மானமிக்க போட்டியில், கொழும்பு றோயல் கல்லூரியை 27-22 என்ற புள்ளிக் கணக்கில் வீழ்த்தி பம்பலப்பிட்டி சென். பீட்டர்ஸ் கல்லூரி வெற்றியைப் பதிவு செய்துள்ளது.

கொழும்பு றோயல் கல்லூரி விளையாட்டு வளாகத்தில் நடைபெற்ற இந்த விறுவிறுப்பான போட்டியின் வெற்றி மூலம், இவ்விரு கல்லூரிகளுக்கும் இடையே வருடாந்தம் நடத்தப்படும் புகழ்பெற்ற ‘பி. சி. ஆங்கி’ (B. C. Anghie) நினைவு கிண்ணத்தை சென்.பீட்டர்ஸ் வீரர்கள் மீண்டும் தமதாக்கிக் கொண்டனர்.

கடந்த வருடத்தில் இந்த கிண்ணத்தை றோயல் கல்லூரி தன்வசப்படுத்தியிருந்த போதிலும், இம்முறை போட்டியில் வெளிப்படுத்திய திறமைகளின் காரணமாக அதனை மீண்டும் பம்பலப்பிட்டிக்குக் கொண்டு செல்ல புனித பீட்டர்ஸ் கல்லூரிக்குக் சந்தர்ப்பம் கிடைத்துள்ளது.