ரசிகர்களின் மனதைக் கவர்ந்த யமாலின் தம்பி கெய்ன்!

கால்பந்து உலகக் கிண்ண இறுதிப்போட்டியில் ஆர்ஜென்டினாவை வீழ்த்தி ஸ்பெய்ன் அணி இரண்டாவது முறையாக கால்பந்து உலகக்கிண்ணத்தை கைப்பற்றியுள்ள நிலையில், போட்டியை விட ஸ்பெய்ன் வீரர் லமின் யமாலின் 3 வயது தம்பி 'கெய்ன் யமால்' இணையத்தில் பெரும் வைரலாகியுள்ளார்.

போட்டிதோறும் தனது குறும்பான செயல்களாலும் உற்சாகத்தாலும் ரசிகர்களைக் கவர்ந்த கெய்ன், இந்த கால்பந்து உலகக் கிண்ணத்தின் எதிர்பாராத வைரல் நட்சத்திரமாக மாறியுள்ளார்.

ஆஸ்திரியாவுக்கு எதிரான போட்டியில் வெற்றியைக் கொண்டாடிய விதம், காலிறுதியில் மைதானத் திரையில் கை அசைத்து சேட்டை செய்தது மற்றும் இறுதிப்போட்டியில் காவல்துறை அதிகாரியின் தொப்பியை அணிந்து வலம் வந்தது போன்ற காட்சிகள் சமூக வலைதளங்களில் அதிகம் பகிரப்பட்டன.

"எனக்குக் கிடைக்காத குழந்தைப் பருவம் என் தம்பிக்குக் கிடைக்கிறது. என் தம்பி எனக்கு எல்லாமே, அவர் என் மகனைப் போன்றவர்" என்று லமின் யமால் அண்மையில் நெகிழ்ச்சியுடன் குறிப்பிட்டிருந்தது குறிப்பிடத்தக்கது.