கால்பந்து நட்சத்திரம் லியோனல் மெஸ்ஸியின் தந்தை ஜோர்ஜ் மெஸ்ஸி காலமானார்!

ஆர்ஜென்டினாவின் புகழ்பெற்ற கால்பந்து வீரர் லியோனல் மெஸ்ஸியின் தந்தையும், அவரது முகவருமான ஜோர்ஜ் மெஸ்ஸி (Jorge Messi) தனது 68 ஆவது வயதில் காலமானார்.

நீண்டகாலமாக நோய்வாய்ப்பட்டிருந்த அவர், ஆர்ஜென்டினாவின் ரொசாரியோ (Rosario) நகரிலுள்ள மருத்துவமனையில் சிகிச்சை பெற்று வந்த நிலையில், வெள்ளிக்கிழமை இரவு உயிரிழந்துள்ளதாக சர்வதேச ஊடகங்கள் உறுதிப்படுத்தியுள்ளன.

லியோனல் மெஸ்ஸியின் மகத்தான கால்பந்து வாழ்க்கைக்குப் பின்னால் மிக முக்கிய தூணாக இருந்தவர் அவரது தந்தை ஜோர்ஜ் மெஸ்ஸி ஆவார்.

சிறுவயதில் மெஸ்ஸி சந்தித்த வளர்ச்சி ஹோர்மோன் குறைபாட்டிற்கான சிகிச்சை செலவை ஏற்க அப்போதைய கால்பந்து கழகங்கள் முன்வராத போது, தைரியமாக ஐரோப்பாவுக்கு அழைத்துச் சென்று மெஸ்ஸியின் திறமையை உலகிற்கு அடையாளம் காட்டிய பெருமை இவரையே சாரும்.

கடந்த 2000 ஆம் ஆண்டு டிசம்பர் 14 ஆம் திகதி, பார்சிலோனா கழகத்தின் அப்போதைய விளையாட்டுப் பணிப்பாளர் கார்லஸ் ரெக்சாச்சுடன் (Carles Rexach) ஒரு பேப்பர் நெப்கினில் கைச்சாத்திடப்பட்ட வரலாற்றுச் சிறப்புமிக்க ஒப்பந்தமே மெஸ்ஸியை பார்சிலோனா கழகத்தின் மிகச்சிறந்த வீரராக மாற்ற வழிவகுத்தது.

தன் தந்தையின் மறைவால் துயருற்றுள்ள லியோனல் மெஸ்ஸிக்கும், தாய் செசிலியா உள்ளிட்ட குடும்பத்தினருக்கு உலகெங்கிலும் உள்ள கால்பந்து ரசிகர்கள் தங்களது ஆழ்ந்த இரங்கல்களைத் தெரிவித்து வருகின்றனர்.