தமிழக சட்டமன்றம் கலைப்பு

தமிழகத்தின் 16ஆவது சட்டமன்றத்தின் பதவிக்காலம் முடிவடைவதையொட்டி, தமிழக சட்டமன்றம் கலைக்கப்படுவதாக பொறுப்பு ஆளுநர் அர்லேகர் அறிவித்துள்ளார்.

அரசியல் சாசன முறைப்படி 5 ஆண்டுகளுக்கு ஒருமுறை சட்டமன்றத்தின் பதவிக்காலம் நிறைவடைகிறது.

தமிழக சட்டமன்றத் தேர்தலில் 108 இடங்களில் வெற்றி பெற்றுள்ள தமிழக வெற்றிக் கழகத்தின் (தவெக) தலைவர் விஜய், மாநிலத்தில் ஆட்சியமைக்க ஆளுநரிடம் முறைப்படி உரிமை கோரியுள்ளார்.

கடந்த ஏப்ரல் 23ஆம் திகதி நடைபெற்ற தமிழக சட்டமன்றத் தேர்தலில் பதிவான வாக்குகள் மே 4ஆம் திகதி எண்ணப்பட்டன. தேர்தல் முடிவுகளின்படி தவெக 108 இடங்களையும், திமுக கூட்டணி 73 இடங்களையும், அதிமுக கூட்டணி 53 இடங்களையும் கைப்பற்றின.

தவெகவுக்கு ஆட்சியமைக்கத் தேவையான பெரும்பான்மையை நிரூபிக்கும் வகையில், காங்கிரஸ் கட்சியின் 5 சட்டமன்ற உறுப்பினர்களுக்கான ஆதரவு கடிதம் இன்று தவெக தலைவர் விஜய்யிடம் வழங்கப்பட்டது.

ஆதரவு கடிதத்துடன் கிண்டியில் உள்ள ஆளுநர் மாளிகைக்குச் சென்ற தவெக தலைவர் விஜய், பொறுப்பு ஆளுநர் ராஜேந்திர அர்லேகரைச் சந்தித்து ஆட்சியமைக்க உரிமை கோரும் கடிதத்தை வழங்கினார்.

தமிழகத்தின் 16-வது சட்டமன்றத்தில் தி.மு.க. அரசு ஆட்சியமைத்த நிலையில், அதன் பதவிக்காலம் தற்போது நிறைவடைந்துள்ளது.

இதனைத் தொடர்ந்து, தவெக தலைவர் விஜய் தலைமையில் 17ஆவது சட்டமன்றம் உருவாக்கப்பட்டு புதிய அரசு அமைக்கப்படவுள்ளது.