ஹோர்முஸ் நீரிணை மூடப்படவில்லை - கப்பல் போக்குவரத்து தொடர்கிறது - அமெரிக்கா அறிவிப்பு

ஹோர்முஸ் நீரிணை முற்றுமுழுதாக மூடப்பட்டுள்ளதாக ஈரானின் இஸ்லாமிய புரட்சிகர காவற்படை உரிமைகோரல் ஒன்றை முன்வைத்துள்ளது.

இருப்பினும், ஈரானின் இந்த அறிவிப்புக்கு மறுப்பு தெரிவித்துள்ள அமெரிக்க மத்திய கட்டளையகம், வர்த்தகக் கப்பல்கள் எவ்வித தடையுமின்றி ஹோர்முஸ் நீரிணையினூடாக உள்நோக்கியும் வெளிநோக்கியும் தங்களது பயணங்களை தற்போதும் வழமை போல் தொடர்ந்து மேற்கொண்டு வருவதாக குறிப்பிட்டுள்ளது.

இதேவேளை, ஹோர்முஸ் நீரிணையில் ஈரான் ஒரு அமெரிக்கப் போர்க்கப்பல் தாக்கப்பட்டதாக ஈரானிய ஊடகங்கள் கூறுகின்றன.

எனினும், எந்த அமெரிக்கப் போர்க்கப்பலும் தாக்கப்படவில்லை என அமெரிக்க மத்திய கட்டளையகம் மறுப்பு தெரிவித்துள்ளது.