விஜய் பிறந்தநாள் : த்ரிஷாவின் மௌனம் - ரஜினியின் வாழ்த்தின்மை குறித்து இணையத்தில் கிளம்பிய விவாதங்கள்!

தமிழக முதலமைச்சரும், தமிழக வெற்றிக் கழகத்தின் தலைவருமான விஜய்யின் பிறந்தநாளை முன்னிட்டு அரசியல் மற்றும் திரையுலக பிரபலங்கள் பலர் தங்களது வாழ்த்துகளைத் தெரிவித்து வரும் நிலையில், நடிகை த்ரிஷா மற்றும் நடிகர் ரஜினிகாந்த் ஆகியோரின் மௌனம் சமூக ஊடகங்களில் பெரும் விவாதங்களை ஏற்படுத்தியுள்ளது.

முதலமைச்சர் விஜய்யின் பிறந்தநாளை முன்னிட்டு நடிகை த்ரிஷாவின் வாழ்த்துப் பதிவு எவ்வாறு அமையப்போகிறது என்பதை தவெகவினர் அச்சத்துடனும் ஆவலுடனும் எதிர்பார்த்துக் காத்திருந்தனர்.

எனினும், த்ரிஷா எந்தவித வாழ்த்துப் பதிவையும் வெளியிடாததால் தவெக தொண்டர்கள் நிம்மதியடைந்துள்ளதாக சமூக ஊடகங்களில் கருத்துக்கள் பகிரப்பட்டு வருகின்றன.

சமீபகாலமாக இருவரையும் இணைத்துப் பேசப்பட்டதால் எழுந்த ஊகங்களுக்கும் சர்ச்சைகளுக்கும் முற்றுப்புள்ளி வைக்கும் ஒரு நடவடிக்கையாகவே த்ரிஷாவின் இந்த மௌனம் பார்க்கப்படுகிறது.

அதேவேளை, ரஜினிகாந்தும் விஜய்யின் பிறந்தநாளுக்கு பொதுவெளியில் வாழ்த்து தெரிவிக்காதது இணையத்தில் புதிய சர்ச்சையைக் கிளப்பியுள்ளது. இது விஜய் மீதான ரஜினிகாந்தின் அதிருப்தியைக் காட்டுவதாக ஒரு தரப்பினர் இணையத்தில் விவாதங்களை ஆரம்பித்துள்ளனர்.

இருப்பினும், ரஜினிகாந்தின் வாழ்த்தின்மை அவரது அரசியல் அல்லது தனிப்பட்ட நிலைப்பாட்டைப் பிரதிபலிக்கிறது என்பதற்கோ அல்லது அவர் அதிருப்தியில் உள்ளார் என்பதற்கோ இதுவரை எந்தவித அதிகாரபூர்வ தகவல்களும் வெளியாகவில்லை.

சமூக ஊடகங்களில் பரவி வரும் இந்தத் தகவல்கள் அனைத்தும் வெறும் ஊகங்களின் அடிப்படையிலானவை என்பதால், உண்மைத்தன்மை குறித்து உறுதியான ஆதாரங்கள் எதுவும் இல்லை என்பது குறிப்பிடத்தக்கது.