சீனாவின் பொருளாதார சீர்திருத்தங்கள் இலங்கைக்கு சிறந்த பாடம் - சஜித் தெரிவிப்பு

சீனாவின் பொருளாதார சீர்திருத்தங்கள் மற்றும் அபிவிருத்தி மாதிரியிலிருந்து இலங்கை கற்றுக்கொள்ள வேண்டிய பல பெறுமதிமிக்க பாடங்கள் இருப்பதாக எதிர்க்கட்சித் தலைவர் சஜித் பிரேமதாச தெரிவித்துள்ளார்.

அத்துடன், நவீனமயமாக்கல், புத்தாக்கம் மற்றும் திட்டங்களைச் செயற்படுத்துவதில் சீனா கொண்டுள்ள அர்ப்பணிப்பையும் அவர் பாராட்டியுள்ளார்.

சீனக் கம்யூனிஸ்ட் கட்சியின் 105 ஆவது ஆண்டு நிறைவை முன்னிட்டு விடுத்துள்ள வாழ்த்துச் செய்தியிலேயே அவர் இதனைத் குறிப்பிட்டுள்ளார்.

சீனாவின் சீர்திருத்தங்கள் மற்றும் திறந்த பொருளாதாரக் கொள்கைகள், அந்த நாட்டை உலகளாவிய பொருளாதார மற்றும் தொழில்நுட்ப வல்லரசாக மாற்றியுள்ள அதேவேளை, கூட்டுச் செழிப்பையும் ஊக்குவித்துள்ளதாக அவர் தெரிவித்துள்ளார்.

மேலும், பிராந்திய மற்றும் உலகளாவிய முன்னேற்றத்திற்கு சீனாவிற்கும் இந்தியாவிற்கும் இடையிலான அமைதியான ஒத்துழைப்பு இன்றியமையாதது என அவர் சுட்டிக்காட்டியுள்ளார்.

இதேவேளை, ஐக்கிய மக்கள் சக்திக்கும் சீனக் கம்யூனிஸ்ட் கட்சிக்கும் இடையிலான உறவை மேலும் வலுப்படுத்துவதற்கு தாம் அர்ப்பணிப்புடன் இருப்பதாகவும் எதிர்க்கட்சித் தலைவர் மீள உறுதிப்படுத்தியுள்ளார்.