இலங்கை வெற்றிபெற இன்னும் 288 ஓட்டங்கள் தேவை!

இந்தியாவுக்கு எதிரான முதலாவது டெஸ்ட் போட்டியின் 4ஆம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 4 விக்கெட்டுகளை இழந்து 84 ஓட்டங்களைப் பெற்றுள்ளது.

போட்டியில் வெற்றிபெற இலங்கை அணிக்கு இன்னும் 288 ஓட்டங்கள் தேவைப்படுவதுடன், இந்திய அணிக்கு வெற்றிபெற 6 விக்கெட்டுகள் தேவைப்படுகின்றன.

காலி சர்வதேச கிரிக்கெட் மைதானத்தில் நடைபெற்று வரும் இந்தப் போட்டியில், தனது முதலாவது இன்னிங்ஸில் விளையாடிய இந்திய அணி 462 ஓட்டங்களைப் பெற்றது.

பதிலுக்குத் தனது முதலாவது இன்னிங்ஸில் துடுப்பெடுத்தாடிய இலங்கை அணி 284 ஓட்டங்களுக்கு சகல விக்கெட்டுக்களையும் இழந்தது.

இதனையடுத்து 178 ஓட்டங்கள் முன்னிலையுடன் தனது இரண்டாவது இன்னிங்ஸைத் தொடர்ந்த இந்திய அணி 193 ஓட்டங்களுக்கு சகல விக்கெட்டுக்களையும் இழந்தது.

இதற்கமைய, 372 ஓட்டங்கள் என்ற வெற்றி இலக்கை நோக்கித் தனது இரண்டாவது இன்னிங்ஸில் துடுப்பாடி வரும் இலங்கை அணி, 4ஆம் நாள் ஆட்டநேர முடிவில் 4 விக்கெட்டுகளை இழந்து 84 ஓட்டங்களைப் பெற்றுள்ளது.

துடுப்பாட்டத்தில் தனஞ்சய டி சில்வா 31 ஓட்டங்களுடனும், சொனால் தினுஷ 25 ஓட்டங்களுடனும் ஆட்டமிழக்காமல் களத்தில் உள்ளனர். பந்துவீச்சில் மானவ் சுதர் 30 ஓட்டங்களுக்கு 2 விக்கெட்டுகளை வீழ்த்தியுள்ளார்.