அரசியலமைப்பின் 22 ஆவது திருத்தச்சட்டமூலத்திற்கு அரச மருத்துவ அதிகாரிகள் சங்கமும் எதிர்ப்பு

அரசியலமைப்பின் 22ஆவது திருத்தச்சட்டமூலத்திற்கு எதிர்ப்புத் தெரிவிப்பதற்கு அரச மருத்துவ அதிகாரிகள் சங்கமும் இன்று (30) தீர்மானித்துள்ளது.

அரச மருத்துவ அதிகாரிகள் சங்கத்தின் மத்திய செயற்குழுவினால் ஏகமனதாக இந்தத் தீர்மானம் நிறைவேற்றப்பட்டுள்ளது.

நீதிமன்றத்தின் சுயாதீனத்தன்மை மற்றும் நடுநிலைமையைப் பாதுகாப்பதற்காக எந்தவொரு சவாலையும் எதிர்கொள்ளும் நோக்கில் இந்தத் தீர்மானம் எடுக்கப்பட்டுள்ளதாக தெரிவிக்கப்பட்டுள்ளது.

மேலும், எதிர்வரும் நாட்களில் இலங்கை சட்டத்தரணிகள் சங்கத்துடன் இணைந்து செயற்பட ஆயத்தமாக உள்ளதாகவும் அந்தச் சங்கம் தெரிவித்துள்ளது.