வெளிவிவகார அமைச்சர் விஜித ஹேரத் ஐக்கிய அரபு அமீரகத்திற்கு உத்தியோகபூர்வ விஜயம்

பல்வேறு துறைகளில் இருதரப்பு ஒத்துழைப்பை பலப்படுத்தும் நோக்கில், வெளிவிவகார அமைச்சர் விஜித ஹேரத் இன்று (02) முதல் நாளை 3 ஆம் திகதி வரை ஐக்கிய அரபு அமீரகத்திற்கு உத்தியோகப்பூர்வ விஜயம் ஒன்றை மேற்கொள்ளவுள்ளார்.

அமைச்சின் அறிவிப்புக்கு அமைய, இந்தப் பயணத்தின் போது அமைச்சர் விஜித ஹேரத், ஐக்கிய அரபு அமீரகத்தின் மனித வளங்கள் மற்றும் அமீரகமயமாக்கல் துறை அமைச்சர் அப்துல் ரஹ்மான் அப்துல் மன்னாத் அல் அவர் (Abdulrahman Abdulmannan Al Awar) மற்றும் பொருளாதாரம் மற்றும் சுற்றுலாத்துறை அமைச்சர் அப்துல்லா பின் தௌக் அல் மரி (Abdulla bin Touq Al Marri) உள்ளிட்ட முக்கிய தலைவர்களைச் சந்தித்து பேச்சுவார்த்தை நடத்தவுள்ளார்.

இதேவேளை, இன்று துபாயில் நடைபெறவுள்ள "Sri Lanka Beyond Your Dreams" எனும் இலங்கையின் சுற்றுலா மற்றும் முதலீட்டு வாய்ப்புகளை எடுத்துக்காட்டும் விளம்பர நிகழ்ச்சியில், ஐக்கிய அரபு அமீரகத்தின் வெளிநாட்டு வர்த்தகத்துறை அமைச்சர் தானி பின் அகமது அல் செயூதியுடன் (Dr. Thani bin Ahmed Al Zeyoudi) இணைந்து அமைச்சர் விஜித ஹேரத் கலந்துகொள்ளவுள்ளமை குறிப்பிடத்தக்கது.