அமீர்கான் கரம் பிடிக்கும் 'கௌரி ஸ்ப்ராட்' யார்?

பொலிவுட் திரையுலகின் முன்னணி மற்றும் பிரபல நட்சத்திர நடிகரான அமீர்கான் (Aamir Khan), தனது 61 ஆவது வயதில் 3 ஆவது முறையாக மீண்டும் திருமண பந்தத்தில் இணையவுள்ளதாக வெளியாகி இருக்கும் உத்தியோகபூர்வமற்ற தகவல்கள் இணையதளங்களை அதிர வைத்துள்ளன.

தனது தனித்துவமான நடிப்பால் உலகளவில் கோடிக்கணக்கான ரசிகர்களைக் கொண்டுள்ள அமீர்கான், ஏற்கனவே இரண்டு முறை திருமணமாகி விவாகரத்து பெற்ற நிலையில், தற்போது இந்த புதிய முடிவை எடுத்துள்ளதாகத் தெரிகிறது.

பொலிவுட்வட்டாரங்களில் இருந்து கசிந்துள்ள புதிய விபரங்களின்படி, நடிகர் அமீர்கான் தனது நீண்ட காலத் தோழியான கௌரி ஸ்ப்ராட் (Gauri Spratt) என்பவரை வரும் 5 ஆம் திகதி (நாளை) முறைப்படி கரம் பிடிக்க உள்ளதாகப் புதிய தகவல்கள் சமூக வலைதளங்களில் காட்டுத்தீ போலப் பரவி வருகின்றன.

61 வயதிலும் தனது காதலைத் திருமண பந்தமாக மாற்றத் துணிந்துள்ள இந்த விசித்திர நிகழ்வு ஒட்டுமொத்த இந்தியத் திரை உலகினரையும், ரசிகர்களையும் பெரும் வியப்பில் ஆழ்த்தியுள்ளதுடன், இவர்களின் தற்போதைய புகைப்படங்கள் அவர் சமூக ஊடகங்களில் அசுர வேகம் எடுத்து வருகிறது என இந்திய ஊடகங்கள் செய்தி வெளியிட்டுள்ளன.