இணையத்தைக் கலக்கும் சூரியின் மண்டாடி!

நடிகர் சூரி கதாநாயகனாக நடித்துள்ள “மண்டாடி” திரைப்படத்தின் பாடல் வெளியாகி சமூக வலைதளங்களில் பெரும் வரவேற்பைப் பெற்று வருகிறது.

இயக்குநர் மதிமாறன் புகழேந்தி இயக்கத்தில் உருவாகியுள்ள இந்த திரைப்படத்திற்கு ஜி.வி. பிரகாஷ் குமார் இசையமைத்துள்ளார்.

நாகப்பட்டினப் பகுதியிலுள்ள கடற்றொழிலாளர்களின் வாழ்வியலையும், அங்கு நடைபெறும் படகுப் போட்டிகளையும் மையமாகக் கொண்டு இந்த திரைப்படம் தயாரிக்கப்பட்டுள்ளது.

இந்த திரைப்படத்தில் இடம்பெற்றுள்ள மண்டாடி......... மண்டாடி....... பாடல் வெளியாகி பெரும் வரவேற்பைப் பெற்றது. 

பாடலில் நடிகர் சூரி மிகச்சிறப்பாக நடனமாடியுள்ளதால் ரசிகர்கள் ஆச்சரியப்பட்டு வருகின்றனர்.

இந்த நிலையில், இதே பாடலுக்கு பலரும் நடனமாடி,  மீள்உருவாக்கம் செய்து ரீல்ஸ் வெளியிட்டு வருகின்றனர். 

சூரியின் மண்டாடி பாடலுக்கு நடனமாடி, இதுவரையில் 20 ஆயிரத்துக்கும் மேற்பட்ட ரீல்ஸ் வெளியாகியிருப்பதாக சூரி பதிவிட்டுள்ளார்.

இதே பாடலுக்கு சூரியுடன் நடிகர் விமலும் சேர்ந்து நடனமாடும்  காணொளியும்  இணையத்தில் வைரலாகி வருகிறது.