சமூக வலைதளத்தில் வைரலாகும் நடிகை அனுபமாவின் பதிவு - மறைமுகமாக யாருக்கு பதிலடி?

நடிகை அனுபமா பரமேஸ்வரன் தனது சமூக வலைதளப் பக்கங்களில் வெளியிடும் பதிவுகள் தொடர்ந்து கவனம் பெற்று வரும் நிலையில், அவர் சமீபத்தில் பகிர்ந்துள்ள ஒரு காணொளி புதிய விவாதத்தை ஏற்படுத்தியுள்ளது.

தனது இன்ஸ்டாகிராம் பக்கத்தில் அவர் பகிர்ந்துள்ள காணொளியில் , ஒருவர் மரங்களுக்குப் பின்னால் மறைந்து பார்ப்பது போன்ற காட்சிகள் இடம்பெற்றுள்ளன. அதில், பதிவுகளுக்கு லைக் அல்லது கமெண்ட் செய்யாமல் கதைகளுக்கு பின்னால் தொடர்ந்து கவனிப்பவர்களைக் குறிப்பிடும் வகையில் ஆங்கில வாசகங்கள் இடம்பெற்றுள்ளன.

அனுபமா யாரையும் குறிப்பிட்டுக் கூறாத போதிலும், இது யாருக்கான பதிலடி என்று இணையவாசிகள் கேள்விகளை எழுப்பி வருகின்றனர்.

சமீபகாலமாக தனது கடந்த கால காதல் அனுபவங்கள் குறித்து அவர் கூறியுள்ள கருத்துகள் மற்றும் சக நடிகருடனான இணையவழி ஊகங்கள் ஆகியவற்றை இணைத்து, இந்தப் பதிவு குறித்து ரசிகர்கள் பல்வேறு கருத்துகளைப் பகிர்ந்து வருகின்றனர். எனினும், இந்தப் பதிவில் அவர் எந்தவொரு நபரின் பெயரையும் குறிப்பிடவில்லை என்பது குறிப்பிடத்தக்கது.