Share Post
திரைத்துறையிலிருந்து விலகி தற்போது ரிஷிகேஷில் வசித்து வரும் பாடகி ஸ்வாகதா கிருஷ்ணன், பெயரைக் குறிப்பிடாமல் பிரபல இசையமைப்பாளர் ஒருவர் மீது மீண்டும் அத்துமீறல் குற்றச்சாட்டுகளை முன்வைத்துள்ளார்.
‘காற்றின் மொழி’, ‘பேச்சுலர்’, ‘இஸ்பேட் ராஜாவும் இதய ராணியும்’ உள்ளிட்ட திரைப்படங்களில் பாடல்களைப் பாடி ரசிகர்களிடையே கவனம் பெற்றவர் ஸ்வாகதா கிருஷ்ணன்.
தற்போது சினிமாவிலிருந்து விலகியுள்ள அவர், ரிஷிகேஷில் தொழில் முனைவோராக செயல்பட்டு வருகிறார்.
கடந்த ஏப்ரல் மாதம் இடம்பெற்ற நேர்காணல் ஒன்றில், இசையமைப்பாளர் ஒருவர் தமக்கு அத்துமீறல் தொடர்பான துன்புறுத்தலை மேற்கொண்டதாக அவர் குற்றம்சாட்டியிருந்தார்.
எனினும், அந்த நேரத்தில் குறித்த இசையமைப்பாளரின் பெயரை அவர் வெளியிடவில்லை.
அந்த சம்பவத்துக்குப் பின்னரே சென்னையில் வசிக்க முடியாத சூழல் ஏற்பட்டதாகவும், இதன் காரணமாக திரைத்துறையிலிருந்து விலகியதாகவும் அவர் தெரிவித்திருந்தார்.
இந்நிலையில், தற்போது தனது இன்ஸ்டாகிராம் ஸ்டோரியில் அந்த இசையமைப்பாளரை மீண்டும் குறிப்பிடும் வகையில் ஸ்வாகதா பரபரப்பான கருத்துகளை பதிவிட்டுள்ளார்.
பல பெண்களுக்கு அத்துமீறல் மேற்கொண்டதாக குற்றம்சாட்டியுள்ள அவர், அவர்களின் கண்ணியத்தையும் பணத்தையும் பறித்து, மிரட்டல் மற்றும் பிளாக்மெயில் உள்ளிட்ட செயல்களில் ஈடுபட்டதாகவும் தனது பதிவில் தெரிவித்துள்ளார்.
மேலும், தற்போது சமூக வலைத்தளங்கள், சமூகத்தின் மனநிலை மற்றும் பி.ஆர். நடைமுறைகள் குறித்து நேர்காணல்களில் பேசி வரும் அந்த இசையமைப்பாளர், ஆன்மிக திரைப்படம் ஒன்றுக்கு இசையமைத்து வருவதாகவும் அவர் குறிப்பிட்டுள்ளார்.
அத்துடன், அந்த இசையமைப்பாளரை மேடைக்கு அழைத்து இரண்டு பெண்கள் கேக் ஊட்டி வரவேற்ற சம்பவத்தையும் சுட்டிக்காட்டியுள்ள ஸ்வாகதா, இதுபோன்ற செயல்களுக்கு சினிமாத்துறையே ஆதரவளிப்பதாக விமர்சித்துள்ளார்.
எனினும், தனது பதிவில் அவர் குற்றம்சாட்டும் இசையமைப்பாளரின் பெயரை குறிப்பிடவில்லை.
இதையடுத்து, ஸ்வாகதா குறிப்பிடுவது யார் அந்த இசையமைப்பாளர்? என ரசிகர்கள் மற்றும் சமூக வலைத்தளப் பயனர்கள் கேள்வி எழுப்பி வருகின்றனர்.
ஸ்வாகதாவின் இந்த புதிய பதிவு தற்போது திரையுலகிலும் சமூக வலைத்தளங்களிலும் பேசுபொருளாகியுள்ளது.
Latest News
“பாகிஸ்தானுடன் விளையாடுவதைத் தவிர்க்க வேண்டும்”: ஆசியக் கிண்ண சர்ச்சைக்குப் பின் மதன் லால் கருத்து!
Local
15 September 2026
இங்கிலாந்திடம் 0-3 எனத் தொடரை இழந்த பாகிஸ்தானுக்கு ஐசிசி அபராதம்: WTC புள்ளிப் பட்டியலில் புள்ளிகள் குறைப்பு!
Local
15 September 2026
மத்திய கிழக்கு பதற்றம் மற்றும் AI பங்குச்சந்தை வீழ்ச்சி: ஆசிய பங்குச்சந்தைகள் கடும் சரிவு!
Local
15 September 2026
ஜோர்தானில் உள்ள அமெரிக்க இராணுவ முகாம் மீதான தாக்குதல்: சீன செயற்கைக்கோள் புகைப்படங்கள் பயன்படுத்தப்பட்டதா?
Local
15 September 2026
க.பொ.த சாதாரண தர பாடங்களின் எண்ணிக்கை 7 ஆகக் குறைப்பு:பிரதமர் ஹரிணி அமரசூரிய தலைமையிலான கூட்டத்தில் தீர்மானம்!
Local
14 September 2026
குருநாகல் - மஹவ பகுதியில் தீ விபத்து: கணினி நிலையத்திற்குள் நேர்ந்த பெரும் சேதம்!
Local
14 September 2026
வெனிஸ் விழாவில் விருது பெற்ற ஆவணப்படம்: சொந்த நாட்டு இயக்குநர்கள் மீது பாயும் ‘தேசதுரோக’ குற்றம்!
Local
14 September 2026
மாணவர்களின் ஆரோக்கியத்திற்காக இங்கிலாந்து அரசாங்கம் எடுத்த அதிரடி நடவடிக்கை!
Local
14 September 2026
அர்ச்சுனாவுக்கு எதிராக காவல்துறை தலைமையகத்தில் முறைப்பாடு!
Local
14 September 2026
வேகமாக உருகும் இமயமலை பனிப்பாறைகள்: பேராபத்தில் தெற்காசிய பிராந்தியம்! - ஆய்வில் தகவல்
Local
14 September 2026
