ஹர்திக் பாண்டியா அணி மாற்றம்? வெளியான அதிரடி தகவல்!

இந்திய அணியின் நட்சத்திர சகலதுறை ஆட்டக்காரரான ஹர்திக் பாண்டியாவை சென்னை சுப்பர் கிங்ஸ் (CSK) அணிக்கு மாற்ற பேச்சுவார்த்தை நடப்பதாக வெளியான தகவல்களை மும்பை இந்தியன்ஸ் (MI) அணி நிர்வாகம் மறுத்துள்ளதாக இந்திய ஊடகங்கள் செய்தி வெளியிட்டுள்ளன.

ஹர்திக் பாண்டியாவை சென்னை அணிக்கு வழங்கி, அதற்குப் பதிலாக சிவம் துபே உட்பட இரு வீரர்களைப் பெற மும்பை அணி முயல்வதாக அண்மையில் ஊடகங்களில் செய்திகள் பரவி வந்தன.

இந்த நிலையில், சென்னை சுப்பர் கிங்ஸ் உட்பட வேறு எந்த அணியுடனும் ஹர்திக் பாண்டியாவின் மாற்றம் குறித்து எந்தவித பேச்சுவார்த்தையும் நடத்தப்படவில்லை என மும்பை இந்தியன்ஸ் அணியின் பேச்சாளர் தெளிவுபடுத்தியுள்ளதாக தெரிவிக்கப்பட்டுள்ளது

கடந்த 2024 ஆம் ஆண்டு மும்பை அணியின் தலைவராகப் பொறுப்பேற்ற ஹர்திக் பாண்டியா, எதிர்பார்த்த வெற்றியைப் பெற்றுத்தரத் தவறியதைத் தொடர்ந்து, அவர் வேறு அணிக்கு மாறக்கூடும் என்ற வதந்திகள் தொடர்ந்து பரவி வருகின்றமை குறிப்பிடத்தக்கது.