முதலாவது டெஸ்ட்டில் வெற்றிபெற இலங்கை அணிக்கு 372 ஓட்டங்கள் இலக்கு!

இலங்கை மற்றும் இந்திய அணிகளுக்கிடையிலான முதலாவது டெஸ்ட் போட்டியில், இலங்கை அணி வெற்றிபெறுவதற்காக 372 ஓட்டங்கள் வெற்றி இலக்காக நிர்ணயிக்கப்பட்டுள்ளது.

காலி சர்வதேச கிரிக்கெட் மைதானத்தில் நடைபெற்று வரும் இந்த போட்டியில், இந்திய அணி தனது முதலாவது இன்னிங்ஸில் 462 ஓட்டங்களையும், இலங்கை அணி தனது முதலாவது இன்னிங்ஸில் 284 ஓட்டங்களையும் பெற்றன.

இதனையடுத்து 178 ஓட்டங்கள் முன்னிலையுடன் தனது இரண்டாவது இன்னிங்ஸைத் தொடர்ந்த இந்திய அணி, 4ஆம் நாளான இன்று 193 ஓட்டங்களுக்குச் சகல விக்கெட்டுகளையும் இழந்தது.

இந்திய அணி சார்பில் துடுப்பாட்டத்தில் ரிஷப் பண்ட் 66 ஓட்டங்களையும், தேவ்தத் படிக்கல் 44 ஓட்டங்களையும் பெற்றனர்.

பந்துவீச்சில் இலங்கை அணி சார்பில் அசித பெர்னாண்டோ 31 ஓட்டங்களுக்கு 4 விக்கெட்டுகளையும், பிரபாத் ஜயசூரிய 3 விக்கெட்டுகளையும் வீழ்த்தினர்.

இதன்படி, முதலாம் இன்னிங்ஸ் முன்னிலையையும் சேர்த்து இந்திய அணி 371 ஓட்டங்களால் முன்னிலையில் உள்ள நிலையில், இலங்கை அணிக்கு 372 ஓட்டங்கள் வெற்றி இலக்காக நிர்ணயிக்கப்பட்டுள்ளது.