கிராண்ட் செஸ் டூர் இறுதிப்போட்டிக்கு தகுதி பெற்றார் பிரக்ஞானந்தா!

%E0%AE%95%E0%AE%BF%E0%AE%B0%E0%AE%BE%E0%AE%A3%E0%AF%8D%E0%AE%9F%E0%AF%8D+%E0%AE%9A%E0%AF%86%E0%AE%B8%E0%AF%8D+%E0%AE%9F%E0%AF%82%E0%AE%B0%E0%AF%8D+%E0%AE%87%E0%AE%B1%E0%AF%81%E0%AE%A4%E0%AE%BF%E0%AE%AA%E0%AF%8D%E0%AE%AA%E0%AF%8B%E0%AE%9F%E0%AF%8D%E0%AE%9F%E0%AE%BF%E0%AE%95%E0%AF%8D%E0%AE%95%E0%AF%81+%E0%AE%A4%E0%AE%95%E0%AF%81%E0%AE%A4%E0%AE%BF+%E0%AE%AA%E0%AF%86%E0%AE%B1%E0%AF%8D%E0%AE%B1%E0%AE%BE%E0%AE%B0%E0%AF%8D+%E0%AE%AA%E0%AE%BF%E0%AE%B0%E0%AE%95%E0%AF%8D%E0%AE%9E%E0%AE%BE%E0%AE%A9%E0%AE%A8%E0%AF%8D%E0%AE%A4%E0%AE%BE%21

அமெரிக்காவில் நடைபெறும் சிங்க்பீல்ட் கிண்ணம் (Sinquefield Cup) செஸ் தொடரில் பிரான்சின் மேக்சிம் வச்சியர்-லகிராவை (Maxime Vachier-La Guaira) வீழ்த்தி, 2026 கிராண்ட் செஸ் டூர் (Grand Chess Tour) இறுதிப்போட்டிக்கு இந்திய இளம் கிராண்ட்மாஸ்டரான பிரக்ஞானந்தா தகுதி பெற்றுள்ளார்.

இந்த வெற்றியின் மூலம் இந்திய கிளாசிக்கல் செஸ் தரவரிசையில் அவர் முதலிடத்தை தக்கவைத்துள்ளதாக இந்திய ஊடகங்கள் செய்தி வெளியிட்டுள்ளன.

8 ஆவது சுற்றில் பிரான்ஸ் வீரர் மேக்சிம் வச்சியர்-லகிராவை 27 நகர்வுகளிலேயே வீழ்த்தி பிரக்ஞானந்தா அபார வெற்றி பெற்றார்.

இந்தப் போட்டியின் வெற்றியைத் தொடர்ந்து, நேரலை கிளாசிக்கல் செஸ் தரவரிசையில் இந்தியாவில் முதலிடத்தையும், உலக அளவில் 8 ஆவது இடத்தையும் பிடித்து, அவர் அசத்தியுள்ளார்.

இந்த நிலையில் தொடரின் கடைசி சுற்றுக்கு முன்னதாகவே 2026 கிராண்ட் செஸ் டூர் இறுதிப்போட்டிக்கான இடத்தை பிரக்ஞானந்தா உறுதி செய்துள்ளார்.